«تالابىڭا نۇر جاۋسىن!» امەريكالىق قىز قازاق ءتىلىن قالاي مەڭگەرگەنىن ايتتى
امەريكالىق كەمەرون فار قازاق ءتىلىن قالاي مەڭگەرگەنىن ايتتى. ونىڭ ايتۋىنشا، وعان ونلاين كۋرستان كوپ كومەكتەسكەن. بۇل تۋرالى ول Instagram-پاراقشاسىندا ءبولىستى. كەمەرون فار وزىنە قازاقشا «ايبالا» ەسىمىن العان.
«مەن - ايبالا، امەريكالىق قىزبىن. قازاقشا سويلەي الامىن. ماعان «قازاق ءتىلىن قالاي ۇيرەندىڭىز؟» دەگەن سۇراق كوپ قويىلادى. مەن قازاقشانى ونلاين ۇيرەندىم. YouTube جانە سوزدىك تە ونلاين. ۇيىمدە قازاق تىلىندە 1-2 كىتاپ بار، قالعانى ونلاين»، - دەيدى ول ۆيدەودا.
سونداي-اق، ول ءتىلدى ەركىن مەڭگەرۋگە كومەكتەسەتىن كەڭەستەردى ءبولىستى.
«مەن قازاقشا قالاي ۇيرەندىم؟ بۇل - قازاقشا نەمەسە باسقا تىلدەردە سويلەيتىنىمدى ايتقان كەزدە قويىلاتىن ەڭ تانىمال سۇراق. سوندىقتان بۇگىن ءتىل ۇيرەنۋدەگى نەگىزگى رەسۋرستارىمدى، YouTube-تى بولىسەمىن، Youtube-تەن سوزدىك تۋرالى بەينەلەردى قاراي وتىرىپ، داپتەرىمە جازىپ الىپ، ۇيرەنگەن سوزدەرىمدى كۇندە داۋىستاپ قايتالايمىن. سونداي-اق، مەن كۇندەلىكتى انا تىلىندە سويلەيتىندەرمەن جاتتىعۋ جاسايمىن، بۇل، مەنىڭ ويىمشا، شەت ءتىلىن ەركىن مەڭگەرۋ ءۇشىن ماڭىزدى. ەگەر سىزدە سۇراقتار بولسا، سۇراڭىز!»، - دەيدى ول.
Посмотреть эту публикацию в Instagram
جەلى قولدانۋشىلارى وقۋشىنىڭ بۇل ارەكەتىنە تامسانىپ، پىكىر قالدىرعان.
«تالابىڭا نۇر جاۋسىن، اينالايىن، قىزىم»، «جارايسىڭ، ايبالا! قازاقشاڭ كۇننەن كۇنگە جاقسى بولىپ كەلە جاتىر»، «جارايسىڭ، اقىلىڭنان»، - دەپ جازعان ولار.
اقپارات دەرەككوزى: Massaget.kz
