تاەكۆوندو اڭىزى مۇستافا وزتۇرىكتىڭ ەش جەردە جاريالانباعان ۆيدەوسى تارادى

استانا. قازاقپارات - الەۋمەتتىك جەلىدە تاەكۆوندو اڭىزى مۇستافا وزتۇرىكتىڭ بۇرىن-سوڭدى جاريالانباعان بەينەماتەريالى تارالىپ، كوپشىلىكتىڭ نازارىن اۋداردى.

Facebook-تەگى Qazaqstan tarihy پاراقشاسىندا جاريالانعان ۆيدەودا ايگىلى سپورتشى ءوزىنىڭ تاەكۆوندوداعى دارا شەبەرلىگىن پاش ەتىپ، كورگەن جۇرتتى ءتانتى ەتتى.

جەلى قولدانۋشىلارى بەينەروليك استىنا جۇرەكجاردى پىكىرلەر قالدىرىپ، ساعىنىشقا تولى ەستەلىكتەر جازعان:

«عاجايىپ ونەر»، «ارىستانداي ايباتتى ەر ەدى»، «ۇلتتىق باتىر دەڭگەيىنە كوتەرىلگەن تۇلعا»، «ماڭدايعا سىيماي كەتكەن اسىل ەر»، «ەل ءۇشىن ەڭىرەگەن ەر ەدى».

مۇستافا وزتۇرىك (مۇستافا كابەن ۇلى ءابدىراحمان) - تاەكۆوندودان قارا بەلبەۋ 6-دان يەگەرى، حالىقارالىق دارەجەدەگى جاتتىقتىرۋشى ءارى قازاقستانعا وسى سپورت ءتۇرىن العاش اكەلگەن بىرەگەي تۇلعا. ول تۇركيادا دۇنيەگە كەلىپ، تايۆاندا ءبىلىم الدى، ەۋروپادا بىرنەشە تاەكۆوندو مەكتەبىن اشتى. 1990-جىلدارى تاريحي وتانىنا ورالىپ، قازاق جەرىندە بۇل سپورتتىڭ دامۋىنا ولشەۋسىز ۇلەس قوستى. ونىڭ شاكىرتتەرى العاش رەت قازاق تۋىن حالىقارالىق ارەنالاردا كوتەرگەن ەدى.

وكىنىشكە قاراي، 1995-جىلى الماتىدا جۇمباق جاعدايدا قازا تاۋىپ، ىستامبۇلدا جەرلەندى.