تاجىكستان مەن يران ءوزارا ۆيزاسىز رەجيم ەنگىزبەكشى

استانا. KAZINFORM - تامىزدىڭ 10-نان باستاپ، تاجىكستان رەسپۋبليكاسى مەن يران يسلام رەسپۋبليكاسى اراسىندا ۆيزاسىز رەجيم كۇشىنە ەنەدى، دەپ حابارلايدى تاجىكستاننىڭ حوۆار اگەنتتىگى.

ۆيزاسىز رەجيم ەكى ەل ۇكىمەتتەرىنىڭ اراسىنداعى جالپى ازاماتتىق شەتەلدىك پاسپورت يەلەرى ءۇشىن ۆيزانى جويۋ جونىندەگى ءوزارا تۇسىنىستىك تۋرالى مەموراندۋم اياسىندا جۇزەگە اسىرىلادى.

بۇل تۋرالى تاجىكستان رەسپۋبليكاسى سىرتقى ىستەر مينيسترلىگىنىڭ باسپا ءسوز حاتشىسى شوحين سامادي ءمالىم ەتتى.

«مەملەكەتتەردىڭ جالپى ازاماتتىق پاسپورتتارى بار تۇرعىندارى ەكى ەلدىڭ اۋماعىندا ەڭ العاش 30 كۇنگە كىرىپ، 90 كۇن بويى ۆيزاسىز جۇرە الادى»، - دەلىنگەن حابارلامادا.

سونداي-اق العاشقى كەزەڭدە ۆيزاسىز رەجيمدى «دۋشانبە -تەگەران» جانە «تەگەران -دۋشانبە» اۋە باعىتىمەن جۇرەتىندەر عانا پايدالانا الاتىنى ەسكەرتىلدى.

اۆتور

ايدار وسپاناليەۆ