تاڭعى استىڭ 10 شاراپاتى

استانا. قازاقپارات - شامامەن سەگىز ساعاتتىق ۇيقى كەزىندە اعزا سۋسىز جانە تاماقسىز قالادى. وسى ۋاقىت ىشىندە ءبىز اشىعىپ ۇلگەرەمىز، سوندىقتان كۇن بويىنا كۇش جيناپ الۋ ءۇشىن تاڭەرتەڭ اعزانىڭ «قۋات قورىن» مىندەتتى تۇردە پايدالى اسپەن تولتىرۋ كەرەك.

مەزگىلسىز تاماقتانۋ، تاڭعى استان باس تارتۋ سالدارى دەنساۋلىققا زيانىن تيگىزۋى مۇمكىن، ول ادامنىڭ اقىل-وي، دەنە ءىس-قيمىلى فۋنكسياسىنىڭ بۇزىلۋىنا اكەلەدى.

تاڭعى اس ءمازىرىن جيىرەك اۋىستىرىپ وتىرۋ قاجەت. ءار ءتۇرلى ازىق-تۇلىكتى ۇيلەستىرۋ دۇرىس تاماقتانۋدىڭ كەپىلى، ويتكەنى ءار ءتۇرلى ازىقتىڭ قۇرامىنا ءار ءتۇرلى ءنارلى زاتتەكتەر مەن دارۋمەندەر بولادى.

تاڭعى اس:

كۇندى سەرگەك باستاۋ ءۇشىن ادام اعزاسىن نارلەندىرەدى؛

كۇنى بويى جۇرە جەۋ قاجەتتىلىگىن تومەندەتەدى، وسىلايشا ادامنىڭ تابەتى رەتتەلەدى؛

ەكىنشى تيپتى ديابەت جانە جۇرەك - تامىر اۋرۋلارىنىڭ پايدا بولۋ مۇمكىندىگىن ازايتادى؛

تاڭعى شارشاۋدى جانە ۇيقىشىلدىقتى ازايتادى؛

دەنەنىڭ قالىپتى سالماعىن ساقتاۋعا كومەكتەسەدى؛

گورمونالدى فوندى جانە قانداعى قانت دەڭگەيىن تۇراقتاندىرۋعا كومەكتەسەدى؛

دەنساۋلىقتى جاقسارتادى جانە ءوزىن-ءوزى جاقسى سەزىنۋگە كومەكتەسەدى؛

ارىقتاۋعا كومەكتەسەدى؛

ادامنىڭ قۋاتىن ارتتىرىپ، كوڭىل- كۇيىن كوتەرەدى

نازارىن ءبىر جەرگە شوعىرلاندىرۋعا كومەكتەسەدى جانە ويلاۋ قابىلەتىن جاقسارتادى.

كۇن سايىن تاڭعى اس ىشەتىن ادامدار سانى ۋايىمعا سالىنباي، كۇيزەلىسكە سيرەك ۇشىرايدى جانە ءبىرشاما سالاۋاتتى ءومىر سۇرەدى.

ءاربىر كۇنىڭىز تاڭعى استان باستالۋى قاجەت ەكەندىگى ەسىڭىزدە بولسىن!