تاڭعى اسقا نە جەۋ كەرەك - پايدالى كەڭەس

استانا. قازاقپارات - بۇل كەزدە كومىرسۋ مەن اقۋىزعا تولى تاعامداردى جەگەن ءجون. بۇل ماقالادا ءبىز تاڭعى استىڭ ماڭىزدىلىعى مەن كۇن باستاعان كەزدە نە جەگەن ءجون ەكەنى تۋرالى ايتپاقپىز.

تاڭعى استى جەۋ نەگە ماڭىزدى؟ بىرىنشىدەن، تاڭعى اسپەن بىرگە ادام اعزاسىنا سىڭگەن كاللوريلەر مايلى تىنگە اينالمايدى. سەبەبى ولاردىڭ نەگىزگى بولىگى ادامنىڭ ءومىر ءسۇرۋ ۇدەرىسىن ساقتاۋعا جانە تۇنگى كاللوريي جەتىسپەۋشىلىگىن قالپىنا كەلتىرۋگە كەتەدى.

ەكىنشىدەن، تاڭعى اس جەمەگەن ادامداردىڭ قارنى تۇسكە تامان اجەپتاۋىر اشادى، بۇل شەكتەن تىس تاماقتى جەپ قويۋعا اكەلىپ سوعادى.

ديەتولوگتاردىڭ ايتۋىنشا، تاڭعى استى جەمەگەن ادامدار جەتىسپەگەن كاللوري مولشەرىن كەشكى تاماق كەزىندە تولىقتىرۋعا تىرىسىپ، ناتيجەسىندە اعزاداعى ماي ءتىنى كوبەيەدى. ال تاڭعى استى جىبەرمەيتىندەر بۇكىل كۇن بويى %20-30 عا ازىراق كاللوري تۇتىنادى.

ۇشىنشىدەن، ءار ادامنىڭ اعزاسى كەرەك مولشەردە تاڭعى ەنەرگيا الماسا، بۇلشىقەت ءتىنىن «جاعىپ بىتىرەدى».

سونىمەن، تاڭعى اسقا نە جەۋ كەرەك؟ بۇل كەزدە كومىرسۋ مەن اقۋىزعا تولى تاعامداردى جەگەن ءجون. مىسال ءۇشىن، توساپ جاعىپ نە ىرىمشىك كەسەگىن قوسىپ ءبىر ءتىلىم نان جەگەن ءجون. ودان باسقا، كەز كەلگەن بوتقا ءتۇرى مەن قۋىرىلعان جۇمىرتقا دەنساۋلىعىڭىزعا پايدا تيگىزەدى.

ەڭ باستىسى، وزىڭىزگە زيان كەلتىرمەيتىن جانە كۇش-قايرات بەرەتىن تابيعي ونىمدەردى جەۋگە تىرىسىڭىز!