تاڭعى 5 تە تۇرۋ كىمدەرگە ءتيىمسىز؟
استانا. قازاقپارات - تاڭعى ساعات 5 تە تۇرۋ قانشالىق پايدالى؟ ساراپشىلار بۇل ترەندتى كىمدەر ۇستانباۋى كەرەك ەكەنىن ايتتى، - دەپ حابارلايدى HuffPost باسىلىمى.
پسيحولوگتار مەن ساراپشىلار ءار ادامعا تاڭعى ۋاقىتتا ەرتە تۇرۋدىڭ پايداسى ءارتۇرلى ەكەنىن ايتادى. كىشكەنتاي بالاسى بارلار نەمەسە تۇنىمەن جۇمىس ىستەيتىندەر ءۇشىن مۇنداي ادەت قيىن بولۋى مۇمكىن. سونىمەن قاتار، تاڭعى 5 تە تۇرۋ دەنساۋلىققا كەرى اسەرىن تيگىزۋى دە مۇمكىن. ەگەر ۇيقىدان ۋاقىت ۇنەمدەۋگە تىرىسساڭىز، ونىڭ ورنىنا دەنساۋلىقتى قۇرتىپ، كۇيزەلىسكە شالدىعۋىڭىز مۇمكىن.
پسيحولوگتار بۇل ءار ادامنىڭ جەكە جاعدايىنا بايلانىستى ەكەنىن ايتتى. پسيحولوگ ءارى «پروبلەما ۆىگورانيا» كىتابىنىڭ اۆتورى مايكل لەيتەردىڭ ايتۋىنشا، ورتاشا جاعدايدا ادامنىڭ كۇنى جۇمىس، دەمالىس جانە ۇيقىعا بولىنەدى.
«وزىڭىزگە جاعىمدى نارسە جاساۋ ءۇشىن نەمەسە جاقسى كورەتىن ادامدارمەن بىرگە بولۋ ءۇشىن ەرتە تۇرساڭىز، فيزيكالىق جانە پسيحولوگيالىق قالپىنا كەلۋ ءساتىن جوعالتاسىز»، - دەيدى لەيتەر.
تاعى ءبىر ساراپشى دجەيمس مااس ۇيىقتايتىن ۋاقىت كەمىندە 7 ساعات بولۋى كەرەك ەكەنىن ايتتى. سونىمەن قاتار، ۇيقى گرافيگىن تۇراقتاۋ ماڭىزدى. دەگەنمەن كۇنىنە ءبىر رەت قىسقا ءۇزىلىس جاساپ، دەنەنى دەمالتۋ دا پايدالى.
ال ەگەر تاڭعى 5 تە تۇرۋدى ادەتكە اينالدىرعىڭىز كەلسە، بۇل جاي عانا ۋاقىتتىڭ ماسەلەسى ەمەس، دۇرىس ۇيىمداسقان ۇيقى مەن سانالى ءومىر سالتىن ساقتاۋ ماڭىزدى ەكەنىن ەسكەرگەن ءجون.
