ت م د ەلدەرى اراسىندا ەڭ قىمبات تاكسي قازاقستاندا تىركەلگەن

جىل باسىنان بەرى قازاقستاندا تاكسي قىزمەتىن 13,9 ميلليون جولاۋشى پايدالانعان. بۇل بىلتىرعى كورسەتكىشتەن 4,9 پايىزعا از، - دەپ حابارلايدى Massaget.kz ءتىلشىسى.

وڭىرلەر بويىنشا تاكسي قىزمەتىن ءجيى پايدالعان وڭىرلەر انىقتالدى.

«الماتىدا 2,5 ميلليون ادام، استانادا 1,5 ميلليون ادام جانە قاراعاندى ​​وبلىسىندا 1,1 ميلليون ادام تاسىمالدانعان. ەڭ از رەسمي تاكسي قىزمەتتەرى جەتىسۋ (277 مىڭ ادام)، اتىراۋ (290,8 مىڭ ادام) جانە الماتى (306,5 مىڭ ادام) وبلىستارىندا تىركەلىپ وتىر. رەسمي دەرەكتەرگە سايكەس قازاقستاندا تاكسي تاسىمالداۋدان تۇسكەن تابىس بىلتىرعى 1,4 ميلليارد تەڭگەمەن سالىستىرعاندا 2 ميلليارد تەڭگەگە جەتتى. قۇندىق ماندەگى ءوسىم 46,5 پايىزعا تەڭ»، - دەپ جازىلعان Ranking.kz سايتى مالىمەتىندە.

2024-جىلى ناۋرىزدىڭ اياعىندا تاكسي تاريفتەرى ايىنا 0,6 پايىزعا، ال جىلىنا 12,3 پايىزعا قىمباتتاعان.

Numbeo دەرەگىنشە، تاكسيمەن ءجۇرۋ قۇنى ورتاشا ەسەپپەن ءبىر شاقىرىم ءۇشىن 0,67 دوللار بولدى. بۇل ءۇشىن ەڭ قىمبات 95 ەلدىڭ ىشىندە 73-ورىندى يەلەندى. بۇل ت م د ەلدەرى اراسىنداعى ەڭ جوعارى باعا رەيتينگىنە ەنگىزىلىپ تۇر.

سالىستىرۋ ءۇشىن ازەربايجاندا ءبىر شاقىرىمعا 0,59، رەسەيدە 0,32، بەلارۋستە 0,31، ارمەنيادا، ۋكراينادا جانە وزبەكستاندا 0,3 دوللار تولەنەدى. ەڭ جوعارى كورسەتكىشتەر شۆەيتساريادا (ءبىر شاقىرىم ءۇشىن 4,39 دوللار)، كۋۆەيتتە (3,25 دوللار) جانە يامايكادا (3,23 دوللار) تىركەلدى. ال ەڭ تومەنگى كورسەتكىش فيليپپيندە (ءبىر شاقىرىم ءۇشىن 0,25 دوللار) بولدى.