ت م د- نىڭ العاشقى حالىقارالىق كينوفەستيۆالى قازاقستاندا وتپەك
مينسك. KAZINFORM – ت م د شتاب-پاتەرىندە ساراپشىلاردىڭ قاتىسۋىمەن «دوستاستىق» حالىقارالىق كينوفەستيۆالىن وتكىزۋ ۇسىنىسى تالقىلاندى، دەپ حابارلايدى Kazinform اگەنتتىگىنىڭ ءتىلشىسى.
وتىرىسقا ۇيىمعا مۇشە مەملەكەتتەر مەن تمد اتقارۋشى كوميتەتىنىڭ وكىلدەرى قاتىستى. ونىڭ بارىسىندا ساراپشىلار «دوستاستىق» كينوفەستيۆالىن ۇيىمداستىرۋ تۋرالى ۇسىنىستى تالقىلاپ، ءىس-شارانىڭ جوباسىن كەلىستى. ەندى ءتيىستى باستاما ت م د ۇكىمەت باسشىلارى كەڭەسىنىڭ قاراۋىنا ەنگىزىلەدى.
ايتا كەتەيىك، ت م د اياسىندا كينوفەستيۆالدەر وتكىزۋدى قازاقستان تاراپى ۇسىنعان بولاتىن. بۇل - ۇيىمعا مۇشە مەملەكەتتەردىڭ كينەماتوگرافيا سالاسىنداعى ىنتىماقتاستىعىن نىعايتۋعا جانە ۇلتتىق تۋىندىلاردى ناسيحاتتاۋعا ىقپال ەتپەك.
بۇل رەتتە اتالعان ءىس-شارانى ەكى جىلدا ءبىر رەت كەزەكپەن ءار مەملەكەتتە وتكىزىپ تۇرۋ جوسپارلانىپ وتىر.
ساراپشىلار وتىرىسىندا ءمالىم بولعانداي، ت م د اياسىنداعى العاشقى كينوفەستيۆالدى قازاقستاندا ۇيىمداستىرۋ كوزدەلگەن.
ەسكە سالايىق، تاياۋدا ت م د شتاب-پاتەرىندە ساراپشىلاردىڭ قاتىسۋىمەن «ت م د +» فورماتىن قۇرۋ مۇمكىندىكتەرى تالقىلانعان بولاتىن. بۇل باستامانى دا قازاقتاندىق تاراپ ۇسىنعان بولاتىن.
قوسا كەتسەك، بيىل 28-ساۋىردە وزبەكستان استاناسىندا ت م د ەكونوميكالىق كەڭەسىنىڭ وتىرىسى وتەدى.
