تۋۋ كورسەتكىشى بويىنشا ماڭعىستاۋ وبلىسى كوش باسىندا

استانا. KAZINFORM - ۇلتتىق ستاتيستيكا بيۋروسىنىڭ مالىمەتىنشە، 1 -شىلدەدەگى جاعداي بويىنشا حالىق سانى 20159707 ادامعا جەتكەن.

6 ايدا حالىقتىڭ جالپى ءوسىمى 125,8 مىڭ ادامدى قۇرادى.

دۇنيەگە كەلگەن بالا سانى - 184,7 مىڭ ءسابي

قايتىس بولعاندار سانى - 66,1 مىڭ ادام

ۇلتتىق ستاتيستيكا بيۋروسى دەرەگىنشە، تۋۋدىڭ ەڭ جوعارى كورسەتكىشى ماڭعىستاۋ (1000 تۇرعىنعا 24,80 ادام) وبلىسىنىڭ ەنشىسىندە. سونداي-اق تۇركىستان (24,78) وبلىسى مەن شىمكەنت قالاسىندا (23,55) ءوسىم بايقالعان.

ءولىم-ءجىتىمنىڭ ەڭ جوعارى دەڭگەيى سولتۇستىك قازاقستان (1000 تۇرعىنعا شاققاندا 11,77)، شىعىس قازاقستان (11,36) جانە قوستاناي وبلىستارىندا (10,16) بايقالدى، بۇل اتالعان ايماق حالقىنىڭ جاس ەرەكشەلىگىمەن بايلانىستى جاعداي.

تۇراقتى تۇرۋعا كەلگەندەر - 14,2 مىڭ ادام

شەتەلگە كوشكەندەر - 6,9 مىڭ ادام

كوشى- قون سالدوسى - 7,2 مىڭ ادام

2023 -جىلدىڭ ءتيىستى كەزەڭىمەن سالىستىرعاندا قازاقستانعا تۇراقتى تۇرۋعا كەلگەندەر سانى % 4,4، قازاقستاننان كەتكەندەر سانى % 0,4 ازايدى.

ەلدىڭ نەگىزگى كوشى-قون الماسۋى ت م د مەملەكەتتەرىمەن بولعان. دوستاستىق ەلدەرىنەن كەلگەندەردىڭ ۇلەسى %78,2، ال سوندا كەتكەندەردىڭ ۇلەسى - % 77.

اۆتور

باقىتگۇل اباي قىزى