ت ج د اپتاپ ىستىققا بايلانىستى الماتى تۇرعىندارىنا ۇندەۋ جاسادى

الماتى. KAZINFORM - الماتى قالالىق توتەنشە جاعدايلار دەپارتامەنتى قازگيدرومەتكە سىلتەمە جاساپ، اۋا رايىنا قاتىستى ەسكەرتۋ جاريالادى.

سينوپتيكتەردىڭ بولجاۋىنشا، 17-مامىر كۇنى الماتىدا سىناپ باعاناسى 37 گرادۋسقا دەيىن كوتەرىلىپ، كۇن قاتتى ىستىق بولادى.

وسىعان بايلانىستى توتەنشە جاعدايلار دەپارتامەنتى مىنانداي قاۋىپسىزدىك شارالارىن ساقتاۋدى ۇسىنادى:

- تاۋعا دەمالۋعا بارعاندا اشىق وت جاقپاۋدى، تۇتانعان تەمەكى قالدىقتارىن تاستاماۋدى سۇرايمىز؛

- ءبىر جەلىگە بىرنەشە ەلەكتر قۇرىلعىلاردى قوسپاڭىز، ويتكەنى ەلەكتر جەلىسىنىڭ شامادان تىس جۇكتەلۋى قىسقا تۇيىقتالۋعا جانە ورتكە اكەلۋى مۇمكىن؛

- بالالاردى كولىكتىڭ ىشىنە از ۋاقىتقا بولسا دا قالدىرماڭىز؛

- قالا تۇرعىندارى مەن قوناقتارىن كۇن ساۋلەسىنەن قورعانۋ ءۇشىن سەرۋەندەۋدەن باس تارتۋعا شاقىردى.

وسىعان دەيىن ەكولوگيا جانە تابيعي رەسۋرستار ءمينيسترى ەرلان نىسانبايەۆ ۇكىمەت وتىرىسىندا جاز ايلارىنا ارنالعان اۋا رايى بولجامىن ايتقان بولاتىن.

اۆتور

الما مۇقانوۆا