ت ش و، كاسپي مۇناي، ماڭعىستاۋ مۇنايگاز جانە NCOC- كە قوماقتى سومادا ايىپپۇل سالىندى
استانا. KAZINFORM - ەكولوگيا جانە تابيعي رەسۋرستار مينيسترلىگى مۇناي ءوندىرۋشى بىرنەشە كومپانياعا قوماقتى سومادا ايىپپۇل سالدى. بۇل تۋرالى ۇكىمەت باسشىسى ولجاس بەكتەنوۆتىڭ ءماجىلىس دەپۋتاتتارىنىڭ ساۋالىنا جولداعان جاۋابىنان ءمالىم بولدى.
پرەمەر-مينيستر ۇكىمەت ەكونوميكالىق دامۋ مەن قورشاعان ورتانى قورعاۋ اراسىنداعى بالانستى قامتاماسىز ەتە وتىرىپ، تابيعاتتى قورعاۋ زاڭناماسىن جەتىلدىرۋ بويىنشا جۇيەلى جۇمىستى اتقارىپ كەلە جاتقانىن ايتىپ وتىر. ەكولوگيالىق كودەكستە وندىرىستىك قۋاتتاردى جاڭعىرتۋ جانە ى ساناتتاعى كاسىپورىنداردى باقىلاۋدىڭ اۆتوماتتاندىرىلعان جۇيەلەرىن ەنگىزۋ كوزدەلگەن. وزىق تەحنولوگيالاردى پايدالانا وتىرىپ، كەشەندى ەكولوگيالىق رۇقساتنامالار جۇيەسى ەنگىزىلدى.
تالاپتار ورىنداماعان كەزدە ايىپپۇل مەن جانە ەميسسيالار ءۇشىن مولشەرلەمەنى 2، 4 جانە 8 ەسەگە ءوسىرۋ قاراستىرىلعان، سونداي-اق شىعارىندىلار نورماتيۆتەرىن اسىرعانى ءۇشىن جاۋاپكەرشىلىكتى كۇشەيتۋ ەسكەرىلگەن.
- ماسەلەن، ەكولوگيا جانە تابيعي رەسۋرستار مينيسترلىگى 2022-2024 -جىلدارى ەكولوگيا تالاپتارىن بۇزعانى ءۇشىن «تەڭىزشيەۆرويل» جاۋاپكەرشىلىگى شەكتەۋلى سەرىكتەستىگىنەن 2,8 ميلليارد تەڭگەدەن استام، «نورت كاسپيان وپەرەيتينگ كومپاني ن. ۆ. » كومپانياسىنان 12,4 ميلليارد تەڭگەگە جۋىق اكىمشىلىك ايىپپۇل ءوندىردى. سونىمەن قاتار، بىلتىر «كاسپي مۇناي» ا ق (13,7 ميلليارد تەڭگە) جانە «ماڭعىستاۋمۇنايگاز» ا ق (32,2 ميلليارد تەڭگە) ەكولوگيالىق زاڭنامانى بۇزعانى ءۇشىن جاۋاپكەرشىلىككە تارتىلدى، - دەپ جازدى ولجاس بەكتەنوۆ.
