تەڭگە السىرەپ، مۇناي قىمباتتادى: نارىقتاعى سوڭعى احۋال

استانا. قازاقپارات - KASE يندەكسى قاتارىنان ءۇشىنشى سەسسيادا تاريحي رەكوردتى جاڭارتتى. نارىقتاعى وتىمدىلىك اعىنى ءىرى ديۆيدەندتەردى قايتا ينۆەستيتسيالاۋ ەسەبىنەن كۇشەيۋى مۇمكىن. بۇل تۋرالى قازاقستان قارجىگەرلەر قاۋىمداستىعى ءمالىم ەتتى.

ۆاليۋتالىق نارىق

سەيسەنبى كۇنى ساۋدا ناتيجەسى بويىنشا USD/KZT جۇبىنىڭ باعامى ايتارلىقتاي ءوسىپ، 1 ا ق ش دوللارى - 517,68 تەڭگەگە جەتتى (+5,08 تەڭگە). ساۋدا كولەمى 340,6 ميلليون دوللارعا دەيىن ۇلعايدى (+184,0 ميلليون)، بۇل جىل باسىنان بەرگى ورتاشا دەڭگەيدەن (238,5 ميلليون) الدەقايدا جوعارى.

بۇل رەتتە، سىرتقى فاكتورلار تەڭگە ءۇشىن بەيتاراپ سيپاتتا بولدى: الدىڭعى سەسسيادا مۇناي باعاسى مەن ا ق ش دوللارى يندەكسى وسكەن. سوندىقتان تەڭگە باعامىنىڭ السىرەۋى جەرگىلىكتى نارىقتاعى جەكەلەگەن قاتىسۋشىلاردىڭ شەتەل ۆاليۋتاسىن ءىرى كولەمدە ساتىپ الۋىمەن بايلانىستى بولۋى مۇمكىن. بۇعان قوسا، بيۋدجەتتىك قاراجاتتى بەلسەندى يگەرۋ، ءىرى ينفراقۇرىلىمدىق جانە ينۆەستيتسيالىق جوبالاردى جۇزەگە اسىرۋ، ينفلياتسيانىڭ ۇدەۋى اياسىندا تەڭگەلىك اكتيۆتەردەن وتاندىق جانە شەتەلدىك ينۆەستورلاردىڭ كەتۋى، سونداي-اق ۆاليۋتا باعامىنا قاتىستى بولجامداردىڭ قايتا قارالۋى اسەر ەتكەن بولۋى ىقتيمال.

جاريالانعان مالىمەتكە سايكەس، اقشا بازاسى مامىر ايىندا %3,2 عا ارتىپ، 13,9 تريلليون تەڭگەنى قۇرادى (جىل باسىنان بەرى - %4,3) . بۇل كورسەتكىشتىڭ وسۋىنە فيسكالدىق شىعىستاردىڭ ارتۋى مەن ۇلتتىق بانك تاراپىنان ستەريليزاتسيا كولەمىنىڭ قىسقارۋى (سالىق كەزەڭى) سەبەپ بولدى.

اقشا نارىعى

ۆاليۋتالىق نارىقتاعى قۇبىلمالىلىقتىڭ ارتۋى اياسىندا اقشا نارىعىنىڭ ينديكاتيۆتىك مولشەرلەمەلەرى ءوستى.

TONIA مولشەرلەمەسى - %15,62 دان %15,67 عا دەيىن كوتەرىلدى

SWAP-1D - 10,62%- دان %10,68 عا دەيىن ءوستى

جالپى ساۋدا كولەمى - 552  ميلليارد تەڭگەنى قۇرادى (+33 ميلليارد الدىڭعى كۇنمەن سالىستىرعاندا)

سونىمەن قاتار، ۇلتتىق بانكتىڭ دەپوزيتتىك اۋكتسيونىنداعى سۇرانىس تومەندەپ، 1,2 تريلليون تەڭگەگە جەتتى (- 406 ميلليارد) جانە تولىق كولەمدە %16,5 جىلدىق مولشەرلەمەمەن قاناعاتتاندىرىلدى.

ن ب ر ك- نىڭ اشىق پوزيتسياسى - 8,0 تريلليون تەڭگە دەڭگەيىندە ساقتالدى.

قور نارىعى

سەيسەنبى كۇنى ساۋدا قورىتىندىسى بويىنشا KASE يندەكسى %1,1 عا ءوسىپ، 5931 تارماقپەن جاڭا تاريحي ماكسيمۋمدى جاڭارتتى. بۇل وسىمگە تىزىمدەگى اكتسيالاردىڭ باسىم بولىگىنىڭ وڭ ديناميكاسى سەبەپ بولدى.

يندەكستىڭ وسۋىنە ايتارلىقتاي ۇلەس قوسقان:

ب  س ك اكسيالارى +%3,4

نارودنىي بانك - +%3,2

قازاتومونەركاسىپ - +%1,7

بۇل ءۇش كومپانيا يندەكستەگى جالپى ۇلەستىڭ %44 دان استامىن قۇرايدى.

قازاتومونەركاسىپ اكسيالارى كانادالىق Sprott ينۆەستيتسيالىق كومپانياسى 200 ميلليون دوللارعا دەيىنگى كولەمدە فيزيكالىق ۋران ساتىپ الاتىنىن حابارلاعاننان كەيىن ءوستى. بۇل جاڭالىق ۋران نارىعىنداعى وڭ كوڭىل- كۇيدى قايتا جانداندىرىپ، ينۆەستورلار قىزىعۋشىلىعىن ارتتىردى.

سونداي- اق Simply Wall St اناليتيكالىق پورتالى نارودنىي بانك اكتسيالارىن لوندون قور بيرجاسىنداعى (LSE) جەتەكشى ديۆيدەندتىك اكسيالار قاتارىنا قوستى (ديۆيدەندتىك كىرىستىلىك - %9,9) .

مۇناي

سەيسەنبى كۇنى مۇناي باعاسى %4,4 دان استامعا ءوسىپ، ءبىر باررەل ءۇشىن 76,5 دوللارعا جەتتى. بۇل ءوسىم يزرايل مەن يران اراسىنداعى قاقتىعىستىڭ ۋشىعۋىنا بايلانىستى بولدى.

جاقىن شىعىستاعى ەكى ەل اراسىنداعى زىمىراندىق شابۋىلدار ەنەرگەتيكالىق رەسۋرستاردىڭ جەتكىزىلۋىندەگى ۇزىلىستەرگە الاڭداۋشىلىق تۋدىردى. سونىمەن قاتار، ا ق ش- تىڭ قاقتىعىسقا تىكەلەي ارالاسۋى مۇمكىن دەگەن بولجامدار دا نارىققا قىسىم ءتۇسىرىپ وتىر. بۇعان ۆاشينگتوننىڭ ايماققا قوسىمشا اسكەري كۇش جىبەرەتىنى تۋرالى حابارلار سەبەپ بولدى.

ەسكە سالا كەتەيىك، بۇعان دەيىن ا ق ش پرەزيدەنتى يراننان تولىق كاپيتۋلياتسيا كۇتەتىنىن مالىمدەگەن بولاتىن. مۇناي باعاسىنىڭ وسۋىنە ا ق ش- تاعى مۇناي قورلارىنىڭ اپتالىق كولەمىنىڭ 10,1 ميلليون باررەلگە قىسقارۋى دا ىقپال ەتتى (بولجام - 0,6 ميلليون).