سيريا پرەزيدەنتى باشار اساد ەل استاناسىنان كەتىپ قالدى

استانا. قازاقپارات - Reuters اگەنتتىگىنىڭ حابارلاۋىنشا، اساد داماسكىدەن ۇشاقپەن بەلگىسىز باعىتقا ۇشىپ كەتكەن.

سيريا پرەزيدەنتى باشار اساد ەل استاناسىنان ۇشاقپەن شىقتى، دەپ حابارلايدى Reuters جانە Al Hadath اقپارات كوزدەرى.

Reuters اگەنتتىگىنىڭ حابارلاۋىنشا، اساد جەكسەنبى كۇنى داماسكىدەن بەلگىسىز باعىتقا ۇشىپ كەتكەن. سيرياداعى ادام قۇقىقتارىن باقىلاۋ ورتالىعى ونىڭ سەنبى كۇنى كەشكى ساعات وندا قالادان شىققانىن حابارلادى.

ВВС- ءدىڭ جازۋىنشا، سيريالىق كوتەرىلىسشىلەر داماسكىگە سولتۇستىك پەن وڭتۇستىكتەن جاقىنداپ كەلەدى. كوتەرىلىسشىلەر وزدەرىنىڭ Telegram-ارناسىندا داماسك ماڭىندا ورنالاسقان سايەدنايا تۇرمەسىن باسىپ الىپ، وندا قاماۋداعى تۇتقىنداردى بوساتقانىن مالىمدەگەن.

ايتا كەتەيىك، سيريانىڭ وڭتۇستىگىندەگى قاۋىپسىزدىك ماسەلەسىنە بايلانىستى يوردانيانىڭ ىشكى ىستەر ءمينيسترى شەكارا بەكەتىن جابۋ تۋرالى شەشىم قابىلدادى.

سيريا باسشىسى كوتەرىلىسشىلەرمەن كۇرەستى جالعاستىرۋعا ۋادە بەردى.

اقپارات تولىقتىرىلىپ جاتىر.

ەلميرا ورالبايەۆا