سيريا بيلىگى ەلدىڭ ەلتاڭباسىن وزگەرتتى

استانا. KAZINFORM - سيريانىڭ جاڭا مەملەكەتتىك ەلتاڭباسى داماسكىدە رەسمي راسىمدە تانىستىرىلدى، دەپ حابارلايدى Kazinform SANA اگەنتتىگىنە سىلتەمە جاساپ.

جاڭا مەملەكەتتىك رامىزدە ەندى قاناتىن كەڭگە جايعان قىران قۇس، باسىنىڭ ۇستىندە ءۇش جۇلدىز بەينەلەنگەن. سيريانىڭ وتپەلى پرەزيدەنتى احمەد اش- شارانىڭ ايتۋىنشا، بۇل وزگەرىس ەل تاريحىنداعى جاڭا كەزەڭدى، سونداي- اق سيريا حالقىنىڭ كۇش- قۋاتى مەن تاباندىلىعىن بىلدىرەدى.

- بۇل قۇس - اسپاندا قالىقتايتىن ەرجۇرەك جاۋىنگەر، قىراعى اڭشى، ءوز وتباسىنىڭ قورعاۋشىسى. ونىڭ ءتۇسى ەسكىرمەيتىن ەڭ تازا مەتالل ءتارىزدى. سيريا حالقى ەجەلدەن وسىنداي بولدى، جاڭا داۋىردە دە سولاي بولۋى كەرەك، - دەدى احمەد اش- شاراا.

بۇگىنگە دەيىن سيريانىڭ ەلتاڭباسىندا ەكى جۇلدىزى بار، كەۋدەسىندە قالقانى بار قىران بەينەلەنگەن. قۇس تابانىندا «سيريا اراب رەسپۋبليكاسى» دەگەن جازۋى بار لەنتا بولعان.

وسىعان دەيىن ترامپ ا ق ش- تىڭ سيرياعا قارسى سانكتسيالارىن الىپ تاستاعانىن جازعان ەدىك.