ەسىرتكى تاسىمالداعان كۇدىكتى بۇرىن ماتەماتيكا ءپانى مۇعالىمى بولعان - ءى ءى م

استانا. KAZINFORM - ەسىرتكى قىلمىسىنا قارسى ءىس-قيمىل كوميتەتىنىڭ قىزمەتكەرلەرى ءيتتىڭ كومەگىمەن اقمولا وبلىسى تالاپكەر اۋىلى ماڭىنداعى اۆتوجولدا ءوڭىرارالىق كۋرەردى ۇستادى، دەپ حابارلايدى Polisia.kz.

- تەكسەرۋ بارىسىندا ۇستالعان ازاماتتىڭ قوستاناي - سەمەي باعىتى بويىنشا ەسىرتكى زاتتارىن تاسىمالداعانى انىقتالدى.

كۋرەر بۇرىن ماتەماتيكا ءپانىنىڭ مۇعالىمى بولعان. كولىكتى تەكسەرۋ كەزىندە ارتقى ورىندىقتا تۇرعان ريۋكزاكتىڭ ىشىنەن سينتەتيكالىق ەسىرتكى «مەفەدرون» سالىنعان پاكەت تابىلدى، - دەدى ءى ءى م ەسىرتكى قىلمىسىنا قارسى ءىس-قيمىل كوميتەتى ءتوراعاسىنىڭ ورىنباسارى قۋاندىق ءالجانوۆ.

تاركىلەنگەن زاتتىڭ جالپى سالماعى ءبىر كيلوگرامدى قۇرايدى.

كۇدىكتى ۇستالىپ، ۋاقىتشا ۇستاۋ يزولياتورىنا قامالدى. اتالعان باعىتتاعى جۇمىس جالعاسادى.