ەسىرتكىگە تاۋەلدى 18 مىڭ ادام ەسەپتە تۇر، ونىڭ %66 كامەلەتكە تولماعان - باس پروكۋراتۋرا

استانا. KAZINFORM - ەلىمىزدە ەسىرتكى قىلمىسىنا قارسى كۇرەس كۇشەيتىلدى. قازىر ەلدە ەسىرتكىگە تاۋەلدى 18 مىڭ ادام ديسپانسەرلىك تىركەۋدە تۇر. ونىڭ 66 پايىزى - كامەلەتكە تولماعان جاستار.

بۇل تۋرالى باس پروكۋروردىڭ ءبىرىنشى ورىنباسارى تيمۋر تاشىمبايەۆ ايتتى.

سپيكەردىڭ ايتۋىنشا، بىلتىر 27 توننادان استام ەسىرتكى تاركىلەنىپ، 95 زاڭسىز زەرتحانا جويىلعان. بۇل سالاداعى جۇمىستىڭ تيىمدىلىگىن ارتتىرۋ ءۇشىن قۇقىق قورعاۋ ورگاندارىنا ناقتى مىندەتتەر قويىلىپ، ولاردىڭ ناتيجەلەرى تۇراقتى باعالانىپ وتىرادى.

سونىمەن بىرگە، تەلەگرام ارنالار باقىلاۋعا الىنىپ، ارنايى قىزمەتكەرلەر بەكىتىلگەن.

- قازىرگى ۋاقىتتا ارنايى پروكۋرورلار وندىرىسىندە ەسىرتكى دۇكەندەرىنە قاتىستى 6 ءىرى ءىس قارالىپ جاتىر. بۇل ىستەر بويىنشا شامامەن 50 ادام قاماۋعا الىندى، ولاردىڭ 9 ى - ءتۇرلى كۇشتىك قۇرىلىمداردىڭ قىزمەتكەرلەرى. وسى جۇمىستاردىڭ اياسىندا 3,5 ميلليارد تەڭگە تاركىلەندى. ونىڭ جارتىسى كريپتوۆاليۋتا تۇرىندە، - دەدى ت. تاشىمبايەۆ «قازاقپارات» اقپارات اگەنتتىگىنىڭ «Bizdin orta» پودكاستىندا.

بۇعان دەيىن باس پروكۋروردىڭ ءبىرىنشى ورىنباسارى قازاقستاندا ءبىر قولعا بەرىلەتىن SIM- كارتا سانىن شەكتەيتىن زاڭ ازىرلەنىپ جاتقانىن ايتتى. قازاقستاندا جاسالاتىن قىلمىستاردىڭ %34 ى الاياقتىق باعىتىندا. اسىرەسە، ونىڭ تەڭ جارتىسى - ينتەرنەت- الاياقتىق.

پرەزيدەنت قاسىم-جومارت توقايەۆ ۇلتتىق قۇرىلتايدىڭ IV وتىرىسىندا ناشاقورلىققا جانە ەسىرتكى بيزنەسىنە قارسى كۇرەس تۋرالى كەشەندى جوسپار ازىرلەۋدى تاپسىرعان ەدى.