«سىر ەلى - جىر ەلىندە» تەرمەشىلەر داۋىس بەردى

قىزىلوردا. KAZINFORM - رەسپۋبليكالىق رەفرەندۋم اياسىندا قىزىلوردا وبلىسى قارماقشى اۋدانى داۋىلكول اۋىلدىق وكرۋگىندەگى № 109 سايلاۋ ۋچاسكەسىندە اقىن- جىراۋلار داۋىس بەردى.

ەل اۋزىندا «سىر ەلى - جىر ەلى» دەپ تانىلعان قىزىلوردا وبلىسىنىڭ قارماقشى اۋدانىنداعى تۇرماعامبەت اۋىلى داڭقتى جىراۋلارىمەن تانىمال.

بۇل ولكەدەن ەشنياز سال، كەتە ءجۇسىپ، تۇرماعامبەت، شوراياقتىڭ ومارى، جيەنباي جىراۋ سياقتى داڭعايىر 100 اقىن-جىراۋ شىققان.

ونەرلى ولكەنىڭ تۇرعىندارى بۇگىن دە رەسپۋبليكالىق رەفرەندۋمدا داۋىس بەرىپ جاتىر. ۋچاسكەدە داۋىس بەرۋدى اۋىلدىڭ جىراۋلارى باستادى.

زاۋرە كارىبايەۆا، ءدىنيسلام توقسانبايەۆ باستاعان تەرمەشىلەر جىردان شاشۋ شاشتى.

«ەل ومىرىندەگى ماڭىزدى شارادا ءوز تاڭداۋىمىزدى جاسادىق. جەرگىلىكتى تۇرعىندارعا كونسەرتتىك باڭدارلاما ۇسىندىق»، - دەيدى ولار.

ەسكە سالساق، مۇنىڭ الدىندا قىزىلوردا وبلىسىندا 103 جاستاعى مايدانگەر تاڭداۋىن جاساعان ەدى.