سۋىقتان ەمەس. ادامدار نەلىكتەن قىستا ءجيى اۋىرادى؟

استانا. قازاقپارات - قىستا اينالاڭىزدا جۇرگەن ادامداردىڭ تۇماۋراتىپ قالعانىن ءجيى كورۋىڭىز نەمەسە ەستۋىڭىز مۇمكىن. كوپشىلىك ونى اۋا رايىنىڭ سالقىنداۋىمەن بايلانىستىرادى. الايدا دالاعا كوپ شىقپايتىن ادامنىڭ ءوزى قىستا اۋىرىپ قالىپ جاتادى. ەندەشە، قىستا ادامداردىڭ ءجيى اۋىرۋىنا نە اسەر ەتەدى؟

استانا. قازاقپارات - قىستا اينالاڭىزدا جۇرگەن ادامداردىڭ تۇماۋراتىپ قالعانىن ءجيى كورۋىڭىز نەمەسە ەستۋىڭىز مۇمكىن. كوپشىلىك ونى اۋا رايىنىڭ سالقىنداۋىمەن بايلانىستىرادى. الايدا دالاعا كوپ شىقپايتىن ادامنىڭ ءوزى قىستا اۋىرىپ قالىپ جاتادى. ەندەشە، قىستا ادامداردىڭ ءجيى اۋىرۋىنا نە اسەر ەتەدى؟

تولىعىراق Massaget.kz ءتىلشىسى ماتەريالىندا.

پروفەسسور ليببي ريچاردس قىستا ادامداردىڭ ءجيى اۋىرۋىنىڭ نەگىزگى سەبەپتەرىن اتادى.

ادامدار نەلىكتەن قىستا ءجيى تۇماۋراتادى؟
ادامدار كوبىنە ۇيدە وتىرادى
ۆيرۋس بەلسەندى دامۋى ءۇشىن وعان جىلۋ جانە بارىنشا از وتتەك قاجەت. پاتەرلەردىڭ، كەڭسەلەردىڭ، ساۋدا ۇيلەرىنىڭ ىشىندە قىستا جازعا قاراعاندا ادام كوپ بولادى. كوپشىلىك سۋىقتا كوپ جۇرگىسى كەلمەيدى. تەرەزەنى دە اشقىسى كەلمەيدى. ناتيجەسىندە عيمارات ىشىندە ادامدار كوبەيەدى، ونىڭ ءىشى جىلى بولا تۇسەدى جانە اۋا بولماي كەتەدى. ياعني، ۆيرۋستاردىڭ كوبەيۋىنە قولايلى ورتا پايدا بولادى.

ۆيرۋستىڭ سىرتقى قابىقشاسى وزگەرەدى
سۋىق اۋا رايى تۇماۋ ۆيرۋسىنىڭ سىرتقى مەمبراناسىن وزگەرتەدى: ول ونى قاتتى ءارى رەزەڭكەلى ەتەدى. عالىمداردىڭ ايتۋىنشا، مۇنداي «رەزەڭكە قاپتاما» ۆيرۋستىڭ ادامنان ادامعا بەرىلۋىن جەڭىلدەتەدى. سونداي-اق پروفەسسور قىستا اۋا قۇرعاق بولىپ كەتەتىنىن ايتتى: سەبەبى جىلىتقىش قۇرىلعىلار قوسىلادى. مۇنداي اۋا تىنىس الۋ تامشىلارىنداعى سۋدىڭ تەز بۋلانۋىنا اكەلەدى. بۇل اۋرۋ ادام جوتەلگەننەن نەمەسە تۇشكىرگەننەن كەيىن ۇزاق ءومىر سۇرۋگە جانە ءارى قاراي جۇرۋگە قابىلەتتى ۇساق بولشەكتەردىڭ پايدا بولۋىنا اكەلەدى.

كۇنسىز يممۋنيتەت قينالادى
ءبىزدىڭ يممۋندىق جۇيەمىزگە جازدا كۇن ساۋلەسىنەن سينتەزدەلەتىن D دارۋمەنى قاجەت. ءبىراق قىستا كۇننىڭ كوزى ازايادى. ادام ءالسىز بولىپ كەتەدى، ونىمدىلىگى تومەندەيدى، سپورتپەن از اينالىسادى جانە جالپى كوپ قوزعالمايدى - مۇنىڭ ءبارى يممۋندىق جۇيەگە اسەر ەتەدى. ناتيجەسىندە، تۇماۋدى وڭاي جۇقتىرىپ الادى.

اعزاعا قالاي كومەكتەسەمىز؟
قولىڭىزدى ءجيى جۋىڭىز جانە بەتىڭىزدى ۇستاي بەرمەڭىز.
سۇيىقتىقتى كوبىرەك ءىشىڭىز جانە راتسيونعا كوبىرەك كوكونىستەر، جەمىستەر، ءسۇت ونىمدەرىن، بالىق جانە جارمالاردى قوسىڭىز.
فيزيكالىق بەلسەندى بولىڭىز. كۇنىنە كەم دەگەندە 30 مينۋت سەرۋەندەۋگە تىرىسىڭىز.
پاتەردى ۇنەمى جەلدەتىپ، مۇمكىندىگىنشە ىلعالداندىرعىش ساتىپ الىڭىز.
ۇيدە ىلعال تازالاۋدى ءجيى جاساڭىز.
جەتكىلىكتى ۇيىقتاڭىز. تولىققاندى ۇيقىسىز اعزا قالپىنا كەلمەيدى.