سينوپتيكتەر الداعى ءۇش كۇننىڭ اۋا رايى بولجامىن جاريالادى

استانا. KAZINFORM - قازگيدرومەت 21-23-مامىر ارالىعىنداعى اۋا رايى بولجامىن ۇسىندى.

سينوپتيكتەردىڭ مالىمەتىنشە، ەلىمىزدىڭ باسىم بولىگىندە كۇن جاۋىن-شاشىندى بولادى.

«اتموسفەرالىق اعىنداردىڭ اسەرىنەن بارلىق وبلىستاردا نايزاعاي ويناپ، بۇرشاق جاۋىپ، جەل كۇشەيىپ، جاڭبىر جاۋادى. تەك كەي كۇندەرى عانا باتىس وبلىستاردا جوعارى قىسىمنىڭ اسەرىنەن جاۋىن-شاشىن توقتاپ، تۇندە 2 گرادۋسقا دەيىن سۋىتادى. ال وڭتۇستىك-باتىس اعىندارى مامىر ايىندا كۇندىزگى تەمپەراتۋرانىڭ كوتەرىلۋىنە ىقپال ەتەدى. ايتالىق باتىس، وڭتۇستىك وبلىستاردا 18-28 گرادۋسقا دەيىن، سولتۇستىك، ورتالىق، شىعىس ايماقتاردا 15-23 گرادۋسقا دەيىن كوتەرىلەدى، تەك 23-مامىردا ەلدىڭ سولتۇستىگىندە اۋا تەمپەراتۋراسى 7 گرادۋسقا دەيىن تومەندەيدى»، - دەلىنگەن حابارلامادا.