سينوپتيكتەر 38 گرادۋسقا دەيىن اپتاپ ىستىق كۇتىلەتىن بەس ءوڭىردى اتادى
استانا. KAZINFORM - «قازگيدرومەت» ر م ك 12-ماۋسىمعا ارنالعان اۋا رايى بولجامىن ۇسىندى.
رەسپۋبليكامىزدىڭ باسىم بولىگىندەگى اۋا رايىنا وڭتۇستىك سيكلون جانە ونىمەن بايلانىسقان اتموسفەرالىق فرونتتار ىقپالىن تيگىزەدى.
- جاڭبىر جاۋىپ، نايزاعاي بولادى. ەلىمىزدىڭ سولتۇستىك-باتىسىندا قاتتى جاڭبىر جاۋادى، سولتۇستىك-باتىستا، ورتالىقتا بۇرشاق بولادى. رەسپۋبليكا بويىنشا جەل كۇشەيەدى، وڭتۇستىكتە شاڭدى داۋىل، داۋىل بولادى. رەسپۋبليكامىزدىڭ وڭتۇستىك- باتىسىندا تۇندە جانە تاڭەرتەڭ تۇمان كۇتىلەدى. تەك ەلىمىزدىڭ شىعىسىندا انتيتسيكلوننىڭ اسەرىنەن جاۋىن-شاشىنسىز، اشىق اۋا رايى ساقتالادى، - دەلىنگەن حابارلامادا.
الماتى، قاراعاندى وبلىستارىندا، ۇلىتاۋ، جەتىسۋ، اباي وبلىستارىندا، باتىس قازاقستان وبلىسىنىڭ سولتۇستىگىندە، پاۆلودار وبلىسىنىڭ باتىسىندا، وڭتۇستىگىندە، اقتوبە وبلىسىنىڭ ورتالىعىندا، جامبىل وبلىسىنىڭ شىعىسىندا، ماڭعىستاۋ وبلىسىنىڭ سولتۇستىك- باتىسىندا، وڭتۇستىك- شىعىسىندا، ورتالىعىندا، اقمولا وبلىسىنىڭ وڭتۇستىگىندە، سولتۇستىك قازاقستان وبلىسىنىڭ باتىسىندا، سولتۇستىگىندە، قوستاناي وبلىسىنىڭ سولتۇستىگىندە، وڭتۇستىك- شىعىسىندا، ورتالىعىندا، شىعىس قازاقستان وبلىسىنىڭ وڭتۇستىك جارتىسىندا جوعارى ءورت قاۋپى كۇتىلەدى.
قىزىلوردا، جامبىل، تۇركىستان وبلىستارىندا، اتىراۋ وبلىسىنىڭ سولتۇستىك-باتىسىندا، شىعىسىندا، ورتالىعىندا، اقتوبە وبلىسىنىڭ باتىسىندا، سولتۇستىگىندە، وڭتۇستىگىندە، وڭتۇستىك-شىعىسىندا، الماتى وبلىسىنىڭ باتىسىندا، سولتۇستىگىندە، ماڭعىستاۋ وبلىسىنىڭ سولتۇستىگىندە، شىعىسىندا، قوستاناي، باتىس قازاقستان جانە ۇلىتاۋ وبلىستارىنىڭ وڭتۇستىگىندە، قاراعاندى وبلىسىنىڭ باتىسىندا، اباي وبلىسىنىڭ وڭتۇستىگىندە، وڭتۇستىك- باتىسىندا، جەتىسۋ وبلىسىنىڭ سولتۇستىگىندە، شىعىسىندا توتەنشە ءورت قاۋپى كۇتىلەدى.
- كۇندىز الماتى، جەتىسۋ، باتىس قازاقستان، اتىراۋ وبلىستارىندا، اباي وبلىسىنىڭ وڭتۇستىگىندە 35-38 گرادۋس قاتتى ىستىق كۇتىلەدى، - دەپ قوستى سينوپتيكتەر.
