«سينگاپۋر، شۆەتسيا»: الماتىلىق 300 مۇعالىم بىلتىر شەتەلدە تاعىلىمدامادان ءوتتى
الماتى. KAZINFORM - بىلتىر الماتىنىڭ 6 مىڭعا جۋىق ۇستازى شەتەلدە جانە قازاقستاندا تاعىلىمدامادان وتكەن.
بۇل تۋرالى الماتى قالاسىنىڭ اكىمى ەربولات دوسايەۆ «Digital Kazakhstan: جاڭا زامانداعى ءبىلىم بەرۋ» اتتى پەداگوگتاردىڭ قالالىق تامىز سامميتى بارىسىندا حابارلادى.
الماتىنىڭ ءبىلىم بەرۋ سالاسىنا ءتيىمدى شەتەلدىك يننوۆاتسيالىق تاجىريبەنى ەنگىزۋ ءۇشىن بىلتىر 207 مەكتەپ، بالاباقشا ديرەكتورلارى مەن ورىنباسارلارى جانە ءبىلىم بەرۋ جۇيەسىنىڭ پەداگوگتارى ۇلىبريتانيادا، شۆەتسيادا، فينليانديادا، ەستونيادا، سينگاپۋردا، جاپونيادا، رەسەيدە شەتەلدىك تاعىلىمدامادان، ال ەل ىشىندە 5700 دەن استام ۇستاز تاعىلىمدامادان وتكەن.
قالا باسشىسىنىڭ ايتۋىنشا، شەتەلدىك يننوۆاتسيالىق تاجىريبە نەگىزىندە الماتى پەداگوگتارى مەكتەپتەر ءۇشىن 117 باعدارلاما مەن جوبا جانە بالاباقشالار ءۇشىن 35 جوبا ازىرلەدى.
«مۇعالىم ءبىلىم بەرۋدەگى نەگىزگى بۋىن بولىپ قالا بەرەدى، سوندىقتان باستى ماقساتىمىز - مۇعالىمدەردى قولداۋ»، - دەدى ەربولات دوسايەۆ.
ايتا كەتەيىك، بۇعان دەيىن الماتى مەكتەپتەرىندە مۇعالىمدەرگە كومەكشى رەتىندە جاساندى ينتەللەكت قولدانىلاتىنىن جازعانبىز.
