سۇيەك سورپاسىنىڭ پايداسى جانە ونى قالاي دايىنداۋ كەرەك؟
سۇيەك سورپاسى تۇزدىقتار مەن سورپالار ءۇشىن ءدامدى نەگىز عانا ەمەس، سونداي-اق پايدالى قاسيەتتەرگە يە باعالى ءونىم. ەندەشە، سۇيەك سورپاسىنىڭ پايدالى قاسيەتتەرىن جانە ونى قالاي دايىنداۋ كەرەگىن ۇسىنامىز.
سۇيەك سورپاسىنىڭ پايداسى:
سۇيەك سورپاسىندا كوللاگەن قۇرامىنا كىرەتىن امينقىشقىلدار كوپ. ول بۋىندار ساۋلىعىنا، شاش، تىرناق جانە تەرى سۇلۋلىعى مەن جاستىعىنا قاجەتتى كوللاگەنگە باي؛
سۇيەك سورپاسى اسقازان- ىشەك جولىنىڭ شىرىشتى قابىعىن قالپىنا كەلتىرەدى جانە راتسيونداعى اقۋىز جەتىسپەۋىنىڭ ورنىن تولتىرادى؛
سۇيەك سورپاسى جرۆي جانە تاماقتانۋ ۋلانۋ كەزىندە اعزانى قالىپقا كەلتىرەدى. بۇل سۇيىقتىقتىڭ قۇرامىنداعى گليتسين مەن پرولين اعزاداعى قابىنۋدى باسۋعا كومەكتەسەدى. سونداي- اق بۇل ەلەمەنتتەر يممۋنيتەتتى قاتايتادى؛
سۇيەك سورپاسى سۇيەكتەر مەن تىسكە قاجەت كالتسيي، ماگنيي جانە فوسفور سەكىلدى مينەرالدارعا باي.
سۇيەك سورپاسىن قالاي دايىنداۋ كەرەك؟
سورپا ءدامدى جانە پايدالى بولۋى ءۇشىن مىنا ۇسىنىستاردى ساقتاڭىز:
- جاقسى سورپا شىعۋ ءۇشىن ساپالى ءونىم تاڭداۋ كەرەك.
- سورپانى دايىنداردا 1/5 قاتىناسىن ساقتاڭىز. مىسالى، 100 گ ونىمگە 500 م ل سۇيىقتىق پايدالانىڭىز. وسى تەپە-تەڭدىكتەن ءدامدى سورپا شىعادى.
- سۇيەكتەرگە مىندەتتى تۇردە سۋىق سۋ قۇيىڭىز.
- سورپا قايناعان كەزدە ونىڭ كوبىگىن الىپ، بىردەن وتتى بۇتىرىپ قويىڭىز. سورپا تارسىلداپ قايناماۋى كەرەك. ول باياۋ وتتا ۇزاق تۇرۋى كەرەك. سورپا 12 ساعاتقا دەيىن قايناۋى مۇمكىن.
- سورپا سۋىعان كەزدە ونى توڭازىتقىشتا 3 كۇنگە دەيىن ۇستاۋعا بولادى. ونى سونداي-اق مۇزداتقىشقا قاتىرىپ قويىپ، 3-4 ايعا دەيىن ساقتاۋعا بولادى. سورپانى كوبىرەك دايىنداپ، قاتىرىپ قويعان ىڭعايلى. سودان سوڭ ونى كەز كەلگەن ۋاقىتتا باسقا تاعامدارعا، تۇزدىقتارعا قوسۋعا نەمەسە ءوزىن جىلىتىپ ىشۋگە بولادى. سونداي-اق ونى بالالارعا دا بەرۋگە بولادى.
