سيفرلىق قۇجاتتارمەن بالاباقشاعا قابىلداۋ جەڭىلدەي ءتۇستى

استانا. KAZINFORM - قازاقستاندا مەكتەپكە دەيىنگى ۇيىمدارعا (بالاباقشا) بالالاردى قابىلداۋ جىل بويى جۇزەگە اسىرىلادى، دەپ حابارلايدى وقۋ-اعارتۋ مينيسترلىگى.

مەملەكەتتىك قىزمەتتەر جەرگىلىكتى اتقارۋشى ورگاندار ارقىلى نەمەسە «ەلەكتروندىق ۇكىمەت» ۆەب-پورتالى ارقىلى كورسەتىلەدى.

مەكتەپكە دەيىنگى ۇيىمعا جولداما الۋ جانە قۇجاتتاردى تاپسىرۋ ءۇشىن اتا-انالار نەمەسە زاڭدى وكىلدەرى كەلەسى قۇجاتتار توپتاماسىن ۇسىنۋى قاجەت:

قابىلداۋعا ارنالعان جولداما؛

ءوتىنىش؛

قىزمەت الۋشىنىڭ جەكە باسىن كۋالاندىراتىن قۇجات (اتا-اناسىنىڭ ءبىرىنىڭ نەمەسە زاڭدى وكىلىنىڭ) نەمەسە ەلەكتروندىق قۇجاتتار قىزمەتىنەن الىنعان سيفرلىق نۇسقاسى؛

بالانىڭ تۋۋ تۋرالى كۋالىگى نەمەسە سيفرلىق قۇجاتتار سەرۆيسىنەن الىنعان ەلەكتروندىق نۇسقاسى؛

№065/ە نىسانىنداعى پروفيلاكتيكالىق ەگۋ كارتاسى؛

№052-2/ۋ نىسانىنداعى بالانىڭ دەنساۋلىق پاسپورتى؛

№027/ۋ نىساندى انىقتاما؛

پسيحولوگيالىق- مەديتسينالىق- پەداگوگيكالىق كونسۋلتاتسيانىڭ قورىتىندىسى
(ەرەكشە ءبىلىم بەرۋ قاجەتتىلىگى بار بالالار ءۇشىن).

مامانداردىڭ تۇسىندىرۋىنشە، بارلىق قاجەتتى قۇجاتتاردى تسيفرلىق فورماتتا الۋ مۇمكىندىگى اتا-انالار ءۇشىن پروتسەستى جەڭىلدەتىپ، قۇجات جيناۋ ۋاقىتىن قىسقارتادى.

- قازىرگى تاڭدا بالاباقشاعا قابىلداۋعا ءوتىنىش بەرۋ جانە جولداما الۋ ءراسىمى تولىقتاي اۆتوماتتاندىرىلعان ءارى اتا-انالار ءۇشىن قولجەتىمدى قىزمەت تۇرىنە اينالعان، - دەپ جازدى مينيسترلىكتەن.

ايتا كەتەيىك، ەلىمىزدە از قامتىلعان وتباسىلاردىڭ بالالارى بالاباقشادا تەگىن تاماقتانادى.