سوزبەن ەمدەلۋ قۇپياسى

استانا. قازاقپارات - شىعىستا «ادامنىڭ ءوز ويلارى تۋدىراتىن قاسىرەتتى ءتىپتى ەڭ جامان دۇشپانى دا تىلەمەيدى» دەگەن ءسوز بار. ەجەلگى تاۋىپتەردىڭ ءبىرى اۆيسەننا دا: «دارىگەردىڭ اۋرۋدى ەمدەۋگە ءۇش قۇرالى بار - ءسوز، ەمدىك شوپتەر، پىشاق» دەگەن ەكەن. بايقاعاندارىڭىزداي ءبىرىنشى كەزەكتە - ءسوز.

پاريج اۋرۋحانالارىنىڭ بىرىندە جاس پسيحولوگ ەميلي كي ءوز پاسيەنتتەرىنە كۇنىنە ءۇش ۋاقىت ويشا جانە اۋىزشا 10 رەت «مەن كۇننەن كۇنگە جاقسارىپ جاتىرمىن» دەپ ايتۋعا بۇيرىق بەرگەن. جانە بۇل سوزدەردى جاتتاندى قايتالاماي، مۇمكىندىگىنشە ايقىنداپ، سەنىممەن ايتۋعا تىرىسۋ كەرەك بولعان.

بۇدان نە شىقتى دەيسىزدەر عوي؟ ءۇش ايدان كەيىن وسى دارىگەردىڭ پاسيەنتتەرى اۋرۋحانا دارىگەرلەرىنىڭ باستى اڭگىمەسىنە اينالدى، ال كەيىن ءتىپتى فرانسيا جۇرتشىلىعىن شۋلاتتى.

عاجايىپ سياقتى كورىنگەنىمەن، انىعى سول: اۋىر حالدە جاتقان اۋرۋلار ءبىر اي ىشىندە جازىلا باستاعان، ال كەيبىرەۋلەرىنە وتانىڭ دا قاجەتى بولماي قالعان. ياعني، ەجەلگى ۇلى عالىم پاراسەلستىڭ «عاجايىپتى سەنىم جاسايدى» دەگەن سوزدەرى اقيقاتقا اينالدى.

ءبىزدىڭ دەنساۋلىعىمىز - ادام ويىنا تىكەلەي بايلانىستى. ادامنىڭ پسيحيكالىق جانە فيزيكالىق جاعدايىنىڭ اراسىندا بايلانىس بار ەكەنىن بۇگىندە ەشكىم جوققا شىعارمايدى.

ءوز دەنساۋلىعىڭا سەنىم مەن جاعىمدى ەموسيالار بارلىق اۋرۋلاردىڭ، كەز كەلگەن جۇقپانىڭ الدىن الادى دەيدى پسيحولوگتار. جامان ويلاردىڭ كۇيرەتۋ قاسيەتى بار. مىسالى، اشۋ-ىزا اسقازان-ىشەك جولدارىنىڭ اۋرۋىن تۋدىرادى. وكپە-رەنىشتەر ۋاقىت وتە كەلە باۋىر، ۇيقى بەزى، حولەسيستيت اۋرۋلارىن تۋدىرادى.

پسيحولوگيالىق ماڭىزدى زاڭداردىڭ ءبىرى بىلاي دەيدى: ماحابباتىڭدى، سۇيىسپەنشىلىگىڭدى جانە ماساتتانۋدى سوزبەن جەتكىزگەندە، ەستىگەن ادام بۇل سوزدەردەن ومىرلىك ەنەرگيا الادى. ال كەرىسىنشە زۇلىم جانە جامان سوزدەر تىڭداۋشىنىڭ ەنەرگياسىن قاشىرادى.

جامان ويلاردان تۋىندايتىن اۋرۋلاردىڭ سانى كۇن ساناپ وسۋدە. ولارعا توتەپ بەرۋ ءۇشىن ەجەلگى دانالاردىڭ كەڭەسىن قولدانىسقا ەنگىزۋىمىز - قانشالىقتى اۋىر بولسا دا، ومىرگە ريزا بولۋ!

سونىمەن، ادامنىڭ دەنساۋلىعى، ءومىرى مەن تاعدىرى ونىڭ ويلارىنا تىكەلەي بايلانىستى.

جاقسى وي ويلاساڭ - جاقسى بولادى،

جامان وي ويلاساڭ - جامان بولادى.

ءاردايىم ويلايتىن ويلارىمىز ءدال سولاي بولاتىنىنا سەنىم تۋدىرادى. جانە سول سەنىم سونداي وقيعانىڭ بولۋىنا جاعداي جاسايدى...

سوندىقتان بۇگىننەن باستاپ تەك جاقسىنى ويلاپ، تەك جاقسىعا ۇمىتتەنەيىك.

ينفارك پەن جۇرەك جەتىمسىزدىگىنىڭ الدىن الاتىن امەريكالىق مامان كارديولوگ روبەرت ەليوتتىڭ التىن ەكى ەرەجەسىن ۇستانۋعا تىرىسىڭىز. ءبىرىنشى ەرەجە: بولماشى دۇنيەگە اشۋلانباڭىز. ەكىنشى ەرەجە: ءبارى بولماشى دۇنيە.

دايىنداعان: انار مۇستافينا

massaget.kz