سوتتالۋشىنىڭ ادۆوكاتى شەرزاتتىڭ اكەسىنە قاتىستى ءىس قوزعاۋدى سۇرادى
تالدىقورعان. KAZINFORM - جەتىسۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا 16 جاستاعى شەرزات پولاتتىڭ ولىمىنە بايلانىستى سوت وتىرىسىندا جارىس ءسوز ءوتىپ جاتىر.
دارحان اسكەنتايدىڭ قورعاۋشىسى، جەتىسۋ وبلىسىنىڭ ادۆوكاتتار القاسىنىڭ ادۆوكاتى ماۋلەن ەرجانوۆ ءىس بويىنشا جابىرلەنۋشى قارجاۋباي نۇرىموۆقا قاتىستى ءىس قوزعاۋدى سۇرادى.
- قۇرمەتتى سوت، جابىرلەنۋشىلەردىڭ بەرگەن جاۋاپتارى ءبىر-بىرىنە قاراما-قايشى. جاۋاپتارى جالعان ەكەنى كورىنىپ تۇر جانە دالەلىن تاپپادى. وسىعان بايلانىستى دارحان اسكەنتايدى بەتىنەن ۇردى دەپ جاۋاپ بەرگەن ق. نۇرىموۆقا قاتىستى ق ر قىلمىستىق كودەكسىنىڭ 420-بابىمەن (جالعان ايعاق بەرۋ) قىلمىستىق ءىس قوزعاۋ تۋرالى جەكە قاۋلى شىعارۋىڭىزدى سۇرايمىن، - دەدى ول.
ەسكە سالايىق، شەرزات سوتىندا جارىس ءسوز باستالدى.
پروكۋرور سوتتالۋشىلارعا 1,5-23 جىل اراسىندا جازا سۇرادى.
ودان كەيىن پروكۋرور كۋاگەر قىزداردىڭ ءىس-ارەكەتىن قايتا تەكسەرۋدى سۇرادى.
اۆتور
دوسبول اتاجان
