سوتتالعانداردى جازادان بوساتۋعا نەگىز بولاتىن اۋرۋلار ءتىزىمى جاڭاردى

استانا. KAZINFORM - دەنساۋلىق ساقتاۋ مينيسترلىگى سوتتالعانداردى جازادان بوساتۋعا نەگىز بولاتىن اۋرۋلار ءتىزىمىن كەڭەيتۋدى ۇسىنىپ وتىر. قۇجات جوباسى «اشىق ن ق ا» پورتالىندا جاريالاندى.

- سوتتالعاندار اراسىندا ءولىم-ءجىتىمدى ازايتۋ جانە اۋىر ناۋقاستاردىڭ دەنساۋلىعىن ساقتاۋ ماقساتىندا جازادان بوساتۋعا نەگىز بولاتىن اۋرۋلاردىڭ ءتىزىمىن وزەكتەندىرۋ ماقساتىندا ءتيىستى جوبا ازىرلەندى، - دەلىنگەن قۇجاتتا.

جازادان بوساتۋعا نەگىز بولاتىن اۋرۋلاردىڭ ءتىزىمى كەلەسى دەرت تۇرلەرىمەن تولىقتىرىلىپ وتىر:

- باۋىر تسيرروزى؛

- سوزىلمالى بۇيرەك اۋرۋى؛

- اۋىر دارەجەدەگى سوزىلمالى وكپە اۋرۋى، سونداي-اق گورمونعا تاۋەلدى اۋرۋلار.

قۇجات جوباسى 2025-جىلعى 5-قىركۇيەككە دەيىن قوعامدىق تالقىلاۋعا ۇسىنىلىپ وتىر.

ايتا كەتسەك، تاياۋدا ىشكى ىستەر مينيسترلىگى تۇرمەدەگى ايەلدەردىڭ جاعدايىن جەڭىلدەتەتىن قۇجات جوباسىن قوعامنىڭ تالقىسىنا ۇسىنعان ەدى.