سوتتا پەريزات قايراتتىڭ ءبىلىمى تۋرالى ايتىلدى
استانا. KAZINFORM - پەريزات قايرات ءىسى بويىنشا سوت وتىرىسى كەزىندە ايىپتالۋشىنىڭ بىلىمىنە قاتىستى مالىمەتتەر بەلگىلى بولدى، - دەپ حابارلايدى Massaget.kz ءتىلشىسى.
كوكتەمگى سۋ تاسقىنى كەزىندەگى قايىرىمدىلىق كومەككە قاتىستى ەپيزود بويىنشا كۋاگەرلەر مەن جابىرلەنۋشىلەردەن جاۋاپ الۋ اياقتالعاننان كەيىن، سوت دالەلدەمەلەردى زەرتتەۋ كەزەڭىنە ءوتتى.
پروكۋرور مادينا ورازالينا ايىپتالۋشىنىڭ بىلىمىنە قاتىستى قۇجاتتارداعى مالىمەتتەردى جاريا ەتتى.
دەرەكتەرگە سايكەس، پەريزات قايرات اقتاۋداعى 10-مەكتەپتى بىتىرگەن. 2006-جىلى ول سول وڭىردەگى ونەر كوللەدجىنە - حور ديريجەرلىگى بولىمىنە وقۋعا تۇسكەن.
«كوللەدجدى اياقتاعانى تۋرالى ديپلومى جوق. 2006-جىلى تۇسكەن، 2007-جىلى ءبىرىنشى كۋرستى اياقتاعان. كوللەدجگە قابىلدانۋ ەمتيحاندارىنا قاتىسقانى نەمەسە ودان ءارى وقىعانى تۋرالى قۇجاتتار جوق. TAU ۋنيۆەرسيتەتىنەن الىنعان قۇجاتتار بار»، - دەپ وقىدى پروكۋرور.
