سوت ورگاندارى ازاماتتاردىڭ باستى قورعانى بولۋى كەرەك - مەملەكەت باسشىسى

استانا. KAZINFORM - ءبىز سوتتاردىڭ تاۋەلسىز بولۋىنا باسا ءمان بەرىپ وتىرمىز. بۇل تۋرالى قازاقستان سۋديالارىنىڭ سەزىندە ق ر پرەزيدەنتى قاسىم-جومارت توقايەۆ ءمالىم ەتتى.

«شىن مانىندە بۇل جيىننىڭ ەلىمىز ءۇشىن ءمان- ماڭىزى زور. ءادىل سوت - مەملەكەت تىرەگى. سوت بيلىگى قاشان دا ابىرويلى ءىرى ءمىنسىز بولۋى ءتيىس. قازىر ءبارىمىز ءبىر ەل بولىپ ادىلەتتى قازاقستاندى قۇرىپ جاتىرمىز. ماقساتىمىز - ءار ادامعا جانە بارشاعا بىردەي مۇمكىندىك بەرۋ. زاڭ مەن ءتارتىپ - ادىلەتتى قوعامنىڭ نەگىزگى ولشەمى. بۇل - زاڭ الدىندا ءبارى بىردەي، تەڭ قۇقىلى دەگەن ءسوز. سول سەبەپتى سوت ورگاندارى ازاماتتاردىڭ باستى قورعانى بولۋى كەرەك. ەلدە زاڭ ۇستەمدىگى ورناسا، حالىقتىڭ بيلىككە دەگەن سەنىمى نىعايادى. ال زاڭ مەن ءتارتىپ بولماسا، باسقا رەفورمانىڭ تابىستى بولۋى ەكىتالاي»، - دەدى قاسىم-جومارت توقايەۆ.

پرەزيدەنتتىڭ ايتۋىنشا، وسى سالانى تۇبەگەيلى رەفورمالاۋ - نەگىزگى مىندەتتىڭ ءبىرى.

«مەن بۇل ماسەلەگە ايرىقشا نازار اۋدارامىن. سوت سالاسى قۇقىق قورعاۋ ىسىندە باستى ءرول اتقارادى. ءبىز سوتتاردىڭ تاۋەلسىز بولۋىنا باسا ءمان بەرىپ وتىرمىز. وسىعان وراي ءبىرقاتار جۇمىس اتقارىلدى»، - دەدى مەملەكەت باسشىسى.

بۇدان بۇرىن حابارلانعانداي، بۇگىن ەلوردادا ق ر پرەزيدەنتى قاسىم-جومارت توقايەۆتىڭ قاتىسۋىمەن قازاقستان رەسپۋبليكاسى سۋديالارىنىڭ IX سەزى باستالدى.

اۆتور
رۋسلان عابباسوۆ