سوۆەت وداعىنان قايسى ەل العاش بولىپ تاۋەلسىزدىگىن جاريالاعان؟

استانا .قازاقپارات - «بەلارۋس 1991 - جىلدىڭ 8-جەلتوقسانداعى بەلوۆەج كەلىسىمىنە دەيىن تاۋەلسىزدىگىن جاريالاپ قويعان» دەگەن پىكىر نەگىزدى مە؟ جالپى، وسى ەلدىڭ تاريحىنا ازداپ بولسا دا ءۇڭىلىپ كورسەك.

ІІ-V عاسىرلاردا بەلارۋس جەرىنە دنەپر بويىنان سلاۆياندار كەلە باستايدى.

بۇل ەلدىڭ ءتۇپ-تاريحى وسى كەزەڭنەن باستالادى.

1648 - جىلى باستالعان ۋكرايناداعى ۇلت-ازاتتىق قوزعالىس بەلارۋستى دا قامتىدى.

ولار پولياكتارعا قارسى ۇلت-ازاتتىق قوزعالىس جاساپ، رەچ پوسپوليتايانى ءۇش رەت ءبولىسۋدىڭ ناتيجەسىندە (1772، 1793، 1795) بەلارۋس جەرى رەسەيدىڭ قول استىنا ءوتتى.

1917 - جىلى اقپان توڭكەرىسىنەن كەيىن 1917 - جىلى شىلدەدە قۇرىلعان بەلارۋس راداسى تاۋەلسىز مەملەكەت بولۋ جولىندا كۇرەس جۇرگىزەدى.

ولار 1918 - جىلى اقپاننىڭ 19 ىنان 20 سىنا قاراعان ءتۇنى پولياك لەگيوندارى كورپۋسىمەن بىرىگىپ، مينسك قالاسىن باسىپ الادى دا، بەلارۋس حالىق رەسپۋبليكاسىن قۇرادى.

1919 - جىلى قاڭتاردا بۇل ۇكىمەتتى قىزىل ارميا جاساقتارى قۇلاتتى.

ونىڭ ورنىنا 1919 - جىلى 1 - قاڭتاردا بەلورۋسسيا كەڭەستىك سوتسياليستىك رەسپۋبليكاسى (ب ك س ر) قۇرىلىپ، 1922 - جىلى 30 - جەلتوقساندا ك س ر و قۇرامىنا ەنگەن.

ەندى جوعارداعى سۇراققا جاۋاپ بەرسەك، شىندىعىندا، بەلورۋستار ت م د ەلدەرىنىڭ ىشىندە ەڭ العاش بولىپ تاۋەلسىزدىك جاريالاعانى راس.

1990 - جىلى بەلارۋس جوعارعى كەڭەسى ەلدىڭ تاۋەلسىزدىگىن جاريالاپ تاستاعان بولاتىن.

ءبىراق 1991 - جىلى 8 - جەلتوقسانداعى بەلوۆەج كەلىسىمىنەن كەيىن كەڭەس وداعى تاراتىلىپ، بەلارۋس تولىق تاۋەلسىزدىك الدى.