سوت جۇيەسىنە ابسوليۋتتى سەنىم دەڭگەيى 55,2 پايىزدان 69,7 پايىزعا دەيىن وسكەن - اسلامبەك مەرعاليەۆ
استانا. KAZINFORM - مەملەكەت باسشىسى جوعارعى سوت ءتوراعاسى اسلامبەك مەرعاليەۆتى قابىلدادى، دەپ حابارلايدى اقوردا.
پرەزيدەنتكە سوت جۇيەسىندە بيىلعى توعىز ايدا اتقارىلعان جۇمىس ناتيجەلەرى، سوت ءىسىن جۇرگىزۋ ۇدەرىسىن تسيفرلاندىرۋ بارىسى، سونداي-اق ازاماتتاردىڭ سوت جۇيەسىنە سەنىمىن ارتتىرۋ شارالارى تۋرالى باياندالدى.
اسلامبەك مەرعاليەۆ سوت ورگاندارى 24,8 مىڭ قىلمىستىق ءىستى قاراعانىن ايتتى.
ازاماتتىق ىستەردىڭ سانى 28,4 پايىزعا ۇلعايىپ، 605 مىڭنان استى.
بۇعان بانكروتتىققا، تۇرعىن ءۇي جانە جەر داۋلارىنا قاتىستى تالاپ-ارىزدار مەن كەلىسىمشارتتىق مىندەتتەمەلەر بويىنشا ىستەر سانىنىڭ ارتۋى سەبەپ بولىپ وتىر.
سونداي-اق 29,2 مىڭ اكىمشىلىك ءىس جانە 319 مىڭ اكىمشىلىك قۇقىقبۇزۋشىلىق تۋرالى ءىس قارالدى.
داۋلاردىڭ جارتىسىنا جۋىعى مەدياسيامەن جانە باسقا دا بالاما جولدارمەن رەتتەلگەنىن جەتكىزدى.
كاسساتسيالىق سوتقا 18 مىڭنان استام شاعىم كەلىپ ءتۇستى. ولاردى قاراستىرۋ ناتيجەسىندە اپەللياتسيالىق ساتىدا تۇزەتىلگەن سوت اكتىلەرىنىڭ سانى ەكى ەسە، ياعني 934-تەن 1704-كە دەيىن ءوستى.
سونىمەن قاتار ۇلتتىق ستاتيستيكا بيۋروسىنىڭ مالىمەتىنە سايكەس، سوت جۇيەسىنە ابسوليۋتتى سەنىم دەڭگەيى 2023 -جىلدان بەرى 55,2 پايىزدان 69,7 پايىزعا دەيىن وسكەن.
مەملەكەت باسشىسىنا سوت جۇيەسىن كادرمەن قامتاماسىز ەتۋ تۋرالى مالىمەت بەردى.
پرەزيدەنت سوت تورەلىگى ساپاسىن جاقسارتۋ جانە سوت جۇيەسىن جاڭعىرتۋ شارالارىن ىسكە اسىرۋ قاجەتتىگىنە نازار اۋداردى.
