سوت عيماراتىندا وزىنە پىشاق سالعان اتىراۋلىققا قىلمىستىق ءىس قوزعالدى

اتىراۋ. KAZINFORM - اتىراۋلىق جىگىت سوت عيماراتىندا وزىنە پىشاق سالعان. سوتتالۋشىعا مەديتسينالىق كومەك كورسەتىلىپ، كەيىن تەرگەۋ يزولياتورىنا قامالدى.

وقيعا اتىراۋ وبلىستىق سوتىنىڭ عيماراتىندا 31-مامىر كۇنى ساعات 12:30 شاماسىندا بولعان. بۇل دەرەكتى اتىراۋ وبلىستىق پوليتسيا دەپارتامەنتىنىڭ باسپا ءسوز قىزمەتى راستادى.

«سوتتالۋشى ءوز-وزىنە قول جۇمساۋعا وقتالدى. وسى دەرەككە قاتىستى قىلمىستىق ءىس قوزعالدى. سوت-مەديتسينالىق ساراپتاما تاعايىندالدى. سوتتالۋشىعا مەديتسينالىق كومەك كورسەتىلدى. سودان سوڭ تەرگەۋ يزولياتورىنا وقشاۋلاندىرىلدى. وزگە اقپارات تەرگەۋ مۇددەسىنە سايكەس جاريالاۋعا جاتپايدى»، - دەپ حابارلادى دەپارتامەنتتىڭ باسپا ءسوز قىزمەتى.

اۆتور
جولداسبەك شوپەعۇل