سپورتتى دامىتۋ ديرەكسياسى شىڭجاڭنان كەلگەن ارىپتەستەرىمەن مەموراندۋمعا قول قويىلدى
استانا. KAZINFORM - بۇگىن سپورتتى دامىتۋ ديرەكسياسىنىڭ ديرەكتورى ەرلان ەستەك پەن ورىنباسارى ازامات يماشيەۆ قىتاي حالىق رەسپۋبليكاسى شىڭجاڭ-ۇيعىر اۆتونوميالىق اۋدانىنان كەلگەن قوناقتارمەن ءبىرقاتار سپورت كەشەندەرىن ارالادى.
ۆەدمستۆودان اتاپ وتكەندەي، دەلەگاتسيا قۇرامىندا اۆتونوميالىق اۋدانداعى سپورت كوميتەتى، سونىڭ ىشىندە دوپ سپورتى تۇرلەرىنە جاۋاپتى ءبىرىنشى ءبولىمنىڭ حاتشىسى چجاي حۋنفەي جانە ونىڭ ورىنباسارى ۆان چجەنبو، باسكەتبولدان «شىڭجاڭ-تيان-شان» ايەلدەر كلۋبىنىڭ ءتورايىمى مايۆۋلان، سونداي-اق ۆولەيبول مەن جەڭىل اتلەتيكادان باپكەرلەر قۇرامى بولدى.
كەزدەسۋ بارىسىندا شەشىمى تابىلماعان كوپتەگەن ماسەلەر ايتىلىپ، الداعى اتقارىلۋى ءتيىس جۇمىس جوسپارى تالقىلاندى. ءبىرقاتار سپورت تۇرلەرىن بىرلەسىپ دامىتۋ بويىنشا ۇسىنىستارىن ورتاعا سالدى. قازاقستان قۇراماسىن الدا وتەتىن حالىقارالىق جارىستارعا رەسمي تۇردە شاقىردى. ءوزارا ىنتىماقتاستىق تۋرالى مەموراندۋمعا قول قويىلدى.
قازاقستان ۆولەيبول فەدەراتسياسىنىڭ باس حاتشىسى ەرمەك سىرلىبايەۆ قىتايلىق ارىپتەستەرىمەن جۇمىس جولعا قويىلعانىن اتاپ ءوتتى. قازىر ەلىمىزدىڭ كاسىبي كلۋبتارىندا بىرنەشە قىتايلىق ۆولەيبولشى ويناپ ءجۇر. بۇدان بولەك جۋىردا ۇلتتىق قۇراما قىتايداعى جارىستا سىنعا تۇسپەك.
ەرلان جۇمابەك ۇلى ءوز سوزىندە ۇسىنىستاردى قاراستىرۋعا دايىن ەكەنىن ايتىپ، بىرلەسكەن وقۋ-جاتتىعۋ جيىندارى ەكى ەل سپورتشىلارىنىڭ دەڭگەيىن ارتتىرۋعا كومەكتەسەتىنىن اتاپ ءوتتى.
اۆتور كۇنسۇلتان وتارباي
