سپورتشى قىزدى ەرنىنەن ءسۇيىپ العان فۋتبول ل فەدەراتسياسىنىڭ پرەزيدەنتى قىزمەتىنەن قۋىلدى

فۋتبولدان يسپانيا كورولدىگى فەدەراتسياسىنىڭ بۇرىنعى پرەزيدەنتى لۋيس رۋبيالەس ايەلدەر اراسىنداعى الەم چەمپيوناتىنىڭ فينالىندا زاڭسىز ارەكەتكە ەرىك بەرگەنى ءۇشىن سپورتتان ءۇش جىلعا شەتتەتىلدى.

ءتيىستى شەشىمدى ف ي ف ا جاريالادى.

ل. رۋبيالەس الەم چەمپيوناتىنىڭ ماراپاتتاۋ راسىمىندە فۋتبولشى قىز دجەننيفەر ەرموسونى ەرنىنەن ءسۇيىپ العانىن بۇعان دەيىن جازعان بولاتىنبىز. كەلەڭسىز جاعداي بيىلعى 20- تامىزدا ورىن الدى. ف ي ف ا سول ۋاقىتتا رۋبيالەستى 90 كۇنگە قىزمەتىنەن شەتتەتكەن ەدى. كەيىن فۋتبولشى قىز پروكۋراتۋراعا رەسمي شاعىم ءتۇسىرىپ، ءىستى تەرگەۋ باستالدى.

ەسكە سالساق، ايەلدەر فۋتبولىنان الەم چەمپيوناتىندا يسپانيا انگليانى 1:0 ەسەبىمەن ۇتىپ، العاش رەت جەڭىمپاز اتانعان بولاتىن. ماراپاتتاۋ راسىمىندە يسپانيا فۋتبول فەدەراتسياسىنىڭ پرەزيدەنتى لۋيس رۋبيالەس دجەننيفەر (دجەنني) ەرموسونى ەرنىنەن ءسۇيىپ الادى. ول بۇل ارەكەتىن ەموتسياعا تولى بولۋىمەن ءتۇسىندىرىپ، كەشىرىم سۇرادى.

10- قىركۇيەكتە ل. رۋبيالەس يسپان ۇيىمىنىڭ پرەزيدەنتى قىزمەتىنەن كەتۋ تۋرالى ءوتىنىش بەردى. ال 15- قىركۇيەكتە ول ءوزىنىڭ ۇستىنەن قوزعالعان ءىس بويىنشا كۇدىكتى رەتىندە جاۋاپ بەردى.