«س و ن» موبيلدى قوسىمشاسىندا «كولىك تاريحى» قىزمەتى ىسكە قوسىلدى

استانا. KAZINFORM - وسى ارقىلى كولىك جايلى تولىق اقپاراتتى بىلۋگە بولادى. بۇل تۋرالى «ازاماتتارعا ارنالعان ۇكىمەت» مەملەكەتتىك كورپوراتسياسى حابارلادى.

ول ءۇشىن ج س ن مەن تەلەفون نومىرىڭىزبەن كىرىپ، VIN- كودتى ەنگىزۋ جەتكىلىكتى. وسىلايشا، قىزمەت سىزگە دايىن انىقتاما بەرەدى.

ءبىر تەكسەرىستىڭ باعاسى - 500 تەڭگە. سونداي-اق، باسقا دا ءتيىمدى ۇسىنىستار بار: 10 تەكسەرىس - 4500 تەڭگە، 20 تەكسەرىس - 8000 تەڭگە.

بۇل قىزمەت كولىك الاردا قاۋىپسىزدىكتى كۇشەيتىپ، الاياقتىقتان ساقتانۋعا كومەكتەسەدى.

ايتا كەتەيىك، بيىلعى تامىز ايىندا قازاقستاندا 159,5 مىڭ اۆتوكولىك قۇرالى تىركەلدى. ولاردىڭ 15,2 پايىزى العاش رەت ەسەپكە قويىلعان.

ەلدەگى كولىكتەردىڭ جارتىسى 20 جىلدان بەرى قولدانىستا ءجۇر.