سولتۇستىككە كوش: كۆوتا جىلدان جىلعا ۇلعايىپ كەلەدى، ءبىراق...

استانا. قازاقپارات - 2017 -جىلدان بەرى سولتۇستىك وڭىرلەرگە 57 مىڭنان استام ادام قونىس اۋدارعان، دەپ حابارلايدى Ulysmedia.kz.

بۇل جۇمىس كۇشى كوپ ايماقتاردان جۇمىس كۇشى تاپشى وڭىرلەرگە كوشىرۋ شارالارىنىڭ اياسىندا جۇزەگە اسقان.

قولداۋ تۇرلەرى

ۇكىمەت دەرەگىنشە، مەملەكەتتىك قولداۋ رەتىندە قونىس اۋدارۋشىلارعا ماتەريالدىق كومەك، قونىس اۋدارۋ شىعىستارىن وتەۋ، تۇرعىن ءۇي جالداۋ جانە كوممۋنالدىق قىزمەتتەرگە اقى تولەۋ شىعىستارى وتەلەدى.

«اتالعان مەملەكەتتىك قولداۋ شارالارى جەتىلدىرىلىپ تۇرادى. ماسەلەن، بيىل قوسىمشا اقشالاي تولەم سەرتيفيكاتى ەنگىزىلدى (تۇرعىن ءۇي قۇنىنىڭ %50، 1160 ا ە ك-تەن اسپايدى). سەرتيفيكات سوماسىن العاشقى تولەم رەتىندە قولدانۋعا بولادى. بۇعان قوسا شىعىس قازاقستان، پاۆلودار، قاراعاندى، سولتۇستىك قازاقستان جانە قوستاناي وبلىستارىندا بەيىمدەۋ جانە ينتەگراتسيالىق ورتالىقتارى اشىلدى. ولاردىڭ نەگىزگى ماقساتتارى - قونىس اۋدارۋشىلاردى جەرگىلىكتى قوعامعا ءتيىمدى ينتەگراتسيالاۋ، بالالاردى تولىق سۇيەمەلدەۋ، الەۋمەتتىك، مەديتسينالىق جانە ءبىلىم بەرۋ قىزمەتتەرى جانە ت. ب. ” دەلىنگەن پرەمەر- ءمينيستردىڭ دەپۋتاتتىق ساۋالدارعا بەرگەن جاۋابىندا.

كۆوتا

ۇكىمەت دەرەگىنشە، قونىس اۋدارۋشىلار مەن قانداستاردى قابىلداۋ كۆوتاسى جىلدان جىلعا ۇلعايىپ كەلەدى. 2024 -جىلى 7050 قونىس اۋدارۋشى، 2433 قانداسقا جيىنى 9483 كۆوتا بەرىلگەن. بۇل 2023 -جىلمەن سالىستىرعاندا 554 ادامعا ارتىق. 2024 -جىلعى 1-قىركۇيەككە 6146 ادام (1767 وتباسى) قونىس اۋدارعان.

شەكارالىق اۋداندار

سونىمەن قاتار شەكارا ماڭىنداعى اۋماقتاردان حالىقتىڭ كەتۋىن قىسقارتۋ بويىنشا جوسپارلى جۇمىس جۇرگىزۋدە. اۋىلدىق اۋماقتاردى دامىتۋدىڭ 2023 - 2027 -جىلدارعا ارنالعان تۇجىرىمداماسى شەڭبەرىندە شىعىس قازاقستان وبلىسىنىڭ شەكارالاس اۋداندارى - كاتون-قاراعاي، مارقاكول جانە ماقانشى قالپىنا كەلتىرىلگەن.

ءبىراق

«كرەديتتەن قاشقان، ءۇيى جوقتار كوپ كەلەدى»: جاقىپوۆا س ق و اكىمدەرى وڭتۇستىكتەن كوشكەندەرگە رەنجيتىنىن ايتتى. 

ءماجىلىس قابىرعاسىندا ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا س ق و اكىمدەرى «كرەديتتەن قاشقان، ءۇيى جوقتار كوپ كەلەدى» دەپ وڭتۇستىكتەن كوشكەندەرگە رەنجيتىنىن ايتقان.

- 220 مىڭ ازامات اۋىلدى جەردەن كەتتى. قازىر اۋىلعا بارىپ جاتقان ازاماتتار از - بۇل باعىتتا ستاتيستيكا وتە تومەن. وڭتۇستىك وڭىرلەردەن سولتۇستىككە كوشىرىپ جاتىرمىز عوي. قونىس اۋدارۋشىلاردىڭ سانىنا قاراساق، ساپاسى دا تومەندەۋ. اكىمدەرمەن سويلەسسەك، ولاردىڭ ءوزى نارازىلىق بىلدىرەدى. «كەلەتىن كىسىلەردىڭ جۇمىس كۇشى وتە تومەن» دەيدى. نەگە دەپ سۇراساق، «كرەديتتەن قاشقان، ءۇيى جوق، ءبىلىمى، وقۋى جوق ازاماتتار كەلىپ جاتقانى كوپ» دەيدى. سول سەبەپتى نورمالار مەن جاڭا فورمالاردى ەنگىزۋ كەرەك. ماۋسىمدىق ۆاحتا مەن موبيلدى كاسىپكەرلىكتى دامىتقان ابزال، - دەيدى ول.