سولتۇستىك قازاقستاندا ازيادا جەڭىمپازدارىنا اقشالاي سىيلىق تابىستالدى

спорт
Фото: Фото: СҚО әкімі баспасөз қызметі

سولتۇستىك قازاقستان وبلىسىنان قىتايدا وتكەن ازيا ويىندارىنا 7 سپورتشى قاتىسسا، سونىڭ ۇشەۋى ەل قورجىنىن التىن، كۇمىس جانە 2 قولا مەدالمەن تولتىردى. بۇگىن جۇلدەگەرلەردى ءوڭىر باسشىسى عاۋەز نۇرمۇحامبەتوۆ قۇتتىقتاپ، اقشالاي سىياقى تاپسىردى، دەپ حابارلايدى Kazinform.

جارىستا ۆەلوشاباندوز الەكسەي لۋتسەنكو التىن جانە كۇمىس جۇلدە السا، ۆەلوترەكشى ارتەم زاحاروۆ جانە بوكسشى ناتاليا بوگدانوۆا قولا مەدالدى يەلەندى.

«وبلىستان بارعان جەتى سپورتشى جاقسى ناتيجە كورسەتە ءبىلدى. جالپى ءبىزدىڭ وبلىس ۆەلوسپورتتان كوش باستاپ تۇرعان وڭىرلەردىڭ ءبىرى. ونىڭ بىردەن-ءبىر دالەلى - الەكساندر ۆينوكۋروۆ پەن ونىڭ جولىن قۋعان الەكسەي لۋتسەنكو. ازيا ويىندارىندا جاقسى ونەر كورسەتكەن سپورتشىلارىمىزعا پاريجدە وتەتىن وليمپيادادا ۇزدىك بولۋلارىنا تىلەكتەسپىن»، - دەدى عاۋەز نۇرمۇحامبەتوۆ.

спорт
Фото: Фото: СҚО әкімі баспасөз қызметі

ءوڭىر باسشىسى سپورتشىلار مەن ولاردىڭ باپكەرلەرىن قۇتتىقتاپ، العىس حات پەن اقشالاي سىياقى بەردى.

ەل قورجىنىنا بەسىنشى التىن مەدالدى سالعان الەكسەي لۋتسەنكو 1,5 ميلليون تەڭگەنىڭ سەرتيفيكاتىن، قولا جۇلدەگە يە بولعان ارتەم زاحاروۆ پەن ناتاليا بوگدانوۆا 750 مىڭ تەڭگە سىياقى الدى.

спорт
Фото: Фото: СҚО әкімі баспасөз қызметі

«مارەگە سوڭعى شاقىرىمدار قالعاندا ەۆگەني فەدوروۆقا جول بەرۋدى شەشتىم. سەبەبى، ول ءالى جاس. ءارى وتە مىقتى سپورتشى. بىلتىر جاستار اراسىندا وتكەن الەم چەمپيوناتىندا جەڭىسكە جەتتى. ەكەۋمىز بىرگە جاتتىعامىز. دايىندىق بارىسىندا جەڭىسكە دەگەن قۇلشىنىسىن كوردىم. التىن جۇلدەگە ابدەن لايىق. سول سەبەپتى وعان جول بەرىپ، مارە سىزىعىنان ەكىنشى بولىپ ءوتۋدى شەشتىم»، - دەيدى ازيا ويىندارىنىڭ ءتورت دۇركىن چەمپيونى الەكسەي لۋتسەنكو.

سپورتشىلاردىڭ باپكەرلەرىنە 500 مىڭ تەڭگەنىڭ سەرتيفيكاتى تابىستالدى.

سوڭعى جاڭالىقتار