سولتۇستىك كورەيادا جاڭا قورعانىس ءمينيسترى تاعايىندالدى

استانا. KAZINFORM - نو گۆان چحول 14- شاقىرىلىمداعى جوعارعى حالىق اسسامبلەياسىنىڭ 11- سەسسياسىندا ەلدىڭ جاڭا قورعانىس ءمينيسترى بولىپ تاعايىندالدى، ول بۇل قىزمەتتە كان سۋن نامدى اۋىستىردى، دەپ حابارلايدى كورەيا ورتالىق تەلەگراف اگەنتتىگى.

ەل ۇكىمەتىندە باسقا دا كادرلىق وزگەرىستەر بولدى.

لي مان سۋ مەملەكەتتىك قۇرىلىستى قاداعالاۋ ءمينيسترى، ال كيم سون بين مەملەكەتتىك عىلىم جانە تەحنولوگيالار كوميتەتىنىڭ ءتوراعاسى بولىپ تاعايىندالدى.

ەسكە سالا كەتسەك، سارسەنبىدەن باستاپ سولتۇستىك كورەيا رەسپۋبليكانى وڭتۇستىك كورەيامەن بايلانىستىراتىن بارلىق اۆتوموبيلدەر مەن تەمىر جولداردى تولىعىمەن جاۋىپ تاستايدى. كورەي حالىق ارمياسىنىڭ باس شتابى مالىمدەمە جاساپ، وندا «9-قازاننان باستاپ وڭتۇستىك كورەيامەن بايلانىستىراتىن تەمىر جولدار مەن اۆتوموبيل جولدارىن تولىعىمەن جاۋىپ تاستايتىنىن» جانە «قورعانىس قۇرىلىمدارىن نىعايتۋ ءۇشىن بەكىنىس جۇمىستارىن جۇرگىزەتىنىن» حابارلادى.

بۇعان دەيىن سولتۇستىك كورەيا تاعى دا وڭتۇستىك كورەياعا قوقىس تولتىرىلعان شارلاردى ۇشىرعانىن جازعان بولاتنبىز.

سولتۇستىك كورەيا 12 قىركۇيەك، بەيسەنبىگە قاراعان ءتۇنى جاپون تەڭىزىنە قاراي قىسقا قاشىقتىقتاعى بىرنەشە بالليستيكالىق زىمىراندى ۇشىردى.

اۆتور
زارينا تۋعانبايەۆا