سولتۇستىك كورەيا وڭتۇستىك كورەيامەن شەكارادا حابار تاراتۋدى توقتاتتى
استانا. KAZINFORM - بەيسەنبى كۇنى سولتۇستىك كورەيا وڭتۇستىك كورەياعا قاراي جاڭالىق تاراتۋدى توقتاتتى. بۇل سەۋل داۋىس زورايتقىشتار ارقىلى ناسيحاتتىق حابار تاراتپاۋ تۋرالى شەشىم قابىلداعاننان كەيىن بولدى، دەپ حابارلايدى Yonhap.
سارسەنبى كۇنى وڭتۇستىك كورەيا پرەزيدەنتى لي چجە مەن شيەلەنىستى باسەڭدەتۋ جانە سەنىمدى قالپىنا كەلتىرۋ ماقساتىندا سولتۇستىك كورەيامەن شەكارادا داۋىس زورايتقىش ارقىلى حابار تاراتۋدى توقتاتۋعا بۇيرىق بەردى. ناتيجەسىندە اسكەريلەر حابار تاراتۋدى جەرگىلىكتى ۋاقىت بويىنشا تۇنگى ساعات 14.00 دە توقتاتتى.
- قازىر مۇنداي حابارلار (سولتۇستىك كورەيادان) تىركەلگەن ايماقتار جوق. ولار سارسەنبى كۇنى كەشكە توقتاپ، تۇندە دە، تاڭەرتەڭ دە بولماعان سىڭايلى. ءبىراق ءبىز جاعدايدى، سونىڭ ىشىندە كۇندىزگى ۋاقىتتا حابار تاراتۋدى جالعاستىرۋ مۇمكىندىگىن مۇقيات باقىلاۋدى جالعاستىرامىز، - دەدى بىرىككەن شتاب پولكوۆنيگى لي سون چجۋن.
وڭتۇستىك كورەيانىڭ حابار تاراتۋدى توقتاتۋ تۋرالى شەشىمى سولتۇستىك كورەيانىڭ شەكارادان قوقىس شارلارىن ۇشىرۋىنا جاۋاپ رەتىندە وتكەن ماۋسىمدا 6 جىلدا العاش رەت اسكەريلەر ناۋقاندى قايتا باستاعاننان ءبىر جىل وتكەن سوڭ قابىلداندى.
ەسكە سالا كەتەيىك، بۇعان دەيىن سولتۇستىك كورەيادا ينتەرنەت جۇمىسىندا اقاۋ پايدا بولعانىن جازعان ەدىك.
