21:13, 15 - قازان 2024 | GMT +6
قانداسىمىز بۇركىتشى ايشولپانعا ەكى بولمەلى پاتەر سىيعا بەرىلدى
استانا. قازاقپارات – بۇركىتشى ايشولپانعا شىعىس قازاقستان حالقى اتىنان ەكى بولمەلى پاتەر سىيعا تارتىلدى.
الەۋمەتتىك جەلىدە جاريالانعان ۆيدەوعا ساي، بۇركىتشىگە پاتەر كىلتىن وبلىس حالقى اتىنان پرەزيدەنت كەڭەسشىسى بەرىك ءۋالي تابىستادى. بۇل سىي ش ق و- دا وتكەن ءىس-شارا بارىسىندا بەرىلدى. بۇعان قوسا، بۇركىتشىلەردىڭ ءبىرى قىران قۇسىن ايشولپانعا سىيلادى.
«قازاقتىڭ قاستەرلى ونەرىن جاھانعا پاش ەتىپ جۇرگەن ايشولپان باتىر قىزىمىزعا بەرىك ءۋالي اعامىز 2 بولمەلى پاتەر كىلتىن تابىس ەتىپتى. قۇتتى بولسىن»، - دەپ جازدى جۋرناليست ەرجان تولەك Facebook پاراعىندا.
