سولتۇستىك كورەيا جەلتوقسان ايىندا شەتەلدىك تۋريستەر ءۇشىن شەكاراسىن اشادى

پحەنيان. KAZINFORM - سولتۇستىك كورەيا ەلدىڭ سولتۇستىك- شىعىسىنداعى سامچجيەن قالاسىنا، سونداي-اق ەلدىڭ قالعان بولىگىنە حالىقارالىق تۋريزمدى قايتا باستاۋى مۇمكىن.

بۇل تۋرالى جەرگىلىكتى تۋريستىك كومپانيالارعا سىلتەمە جاساي وتىرىپ، «Reuters» حابارلادى.

بۇل قادام ك ح د ر بىرنەشە جىلدار بويى قاتاڭ COVID شەكارا باقىلاۋىنان كەيىن شەتەلدىك تۋريستەر ءۇشىن شەكارالارىن قايتا اشۋعا دايىن ەكەنىن بىلدىرەدى.

- جەرگىلىكتى سەرىكتەسىمىز 2024 -جىلدىڭ جەلتوقسانىنان باستاپ سامچجيەنعا جانە ەلدىڭ قالعان بولىگىنە تۋريزم رەسمي تۇردە قايتا باستالاتىنىن راستادى، - دەپ جازدى بەيجىڭدەگى Koryo Tours ءوزىنىڭ ۆەب- سايتىندا.

وتكەن جىلى سولتۇستىك كورەياعا حالىقارالىق رەيستەر قايتا جانداندى. رەسەيلىك تۋريستەردىڭ شاعىن توبى اقپان ايىندا جەكە تۋر اياسىندا ەلگە باردى. ماۋسىم ايىندا رەسەي پرەزيدەنتى ۆلاديمير پۋتين ەلگە شەتەلدىك جوعارى لاۋازىمدى تۇلعا رەتىندە بارعان بولاتىن.

- بۇل جاڭالىقتى جاريالاۋ ءۇشىن ءتورت جىلدان استام كۇتكەن Koryo Tours سولتۇستىك كورەيادا تۋريزمىنىڭ قايتا اشىلعانىنان وتە قۋانىشتى، - دەدى كومپانيا وكىلدەرى.

سولتۇستىك كورەيا قىتاي شەكاراسىنا جاقىن ورنالاسقان سامچجييەن قالاسىندا «سوتسياليستىك ۋتوپيا» دەپ اتاعان جەردى جانە جاڭا پاتەرلەرى، قوناق ۇيلەرى، تاۋ شاڭعىسى كۋرورتى، ساۋدا، مادەني جانە مەديتسينالىق نىساندارى بار «جوعارى وركەنيەتتى تاۋ قالاسىنىڭ ۇلگىسىن» سالۋدا.

شىلدە ايىندا كوشباسشى كيم چەن ىن سامچجييەن جوباسىنا «جاۋاپسىز» قاراعانى ءۇشىن كەيبىر جوعارى لاۋازىمدى شەنەۋنىكتەردى جۇمىستان شىعارعان نەمەسە لاۋازىمىن تومەندەتكەن.

تاعى ءبىر تۋريستىك اگەنتتىك KTG Tours دا بيىلعى قىستان باستاپ تۋريستەر سامچجيەنعا بارا الاتىنىن حابارلاعان.