سوڭعى ءۇش جىلدا 14 ءسابي پويىزدا دۇنيەگە كەلگەن
استانا. KAZINFORM - پويىز جولسەرىكتەرى جولاۋشىلارعا العاشقى مەديتسينالىق كومەك كورسەتۋمەن قاتار قاجەت بولعاندا جۇكتى ايەلدەردى بوساندىرىپ الادى.
«جولسەرىكتەردىڭ بىلىكتىلىگىن ارتتىرۋعا ەرەكشە ءمان بەرەمىز. بۇل باعىتتا جولسەرىكتەرگە ارنالعان ترەنيگ، سەمينارلار ۇيىمداستىرىلادى، ونىڭ ىشىندە ادەپ ەتيكاسى، ستاندارتتى قىزمەت كورسەتۋ، ەموتسيانى باسقارا ءبىلۋ، كۇيزەلىسكە توتەپ بەرۋ تاعى سول سياقتى. قىزمەتكەرلەردى بۇل قاسيەتتەردى جۇمىس بارىسىندا قولدانۋ ءۇشىن ۇيرەتەمىز، سەبەبى جولسەرىكتەر پويىزدا ءتۇرلى جايتتارعا تاپ بولىپ جاتادى»، - دەدى «جولاۋشىلار تاسىمالى» ا ق باسقارما ءتوراعاسى جانىبەك تايجانوۆ اتالعان ۆەدومستۆودا وتكەن باسپا ءسوز ءماسليحاتىندا.
وتكەن جىلى 3 مىڭنان استام جولسەرىك بىلىكتىلىگىن جەتىلدىرگەن.
«سونىمەن قاتار ءبىزدىڭ قىزمەتكەرلەر قاجەت جاعدايدا العاشقى مەديتسينالىق كومەك كورسەتە الادى. سوڭعى ءۇش جىلدىڭ ىشىندە پويىزداردا 14 نارەستە دۇنيەگە كەلدى، ولاردى ءبىزدىڭ جولسەرىكتەر بوساندىرىپ الدى»، - دەيدى باسقارما باسشىسى.
