سوڭعى 7 جىلدا العاش رەت مەديتسينالىق ۋنيۆەرسيتەت وقىتۋشىلارى اتتەستاتتاۋدان وتەدى

врач
Фото: freepik.com

استانا. KAZINFORM – ق ر دەنساۋلىق ساقتاۋ مينيسترلىگى ستۋدەنتتەر مەن رەزيدەنتتەر اراسىندا ارالىق تاۋەلسىز ەمتيحان، سونداي-اق بارلىق مەديتسينالىق جوعارى وقۋ ورىندارىنىڭ پروفەسسور-وقىتۋشىلار قۇرامىن اتتەستاتتاۋدان وتكىزەتىنىن حابارلادى.

بۇگىن استانادا ۆەدومستۆو القاسىنىڭ وتىرىسى بارىسىندا كادرلاردى دايارلاۋ ساپاسىن جاقسارتۋ جانە وقىتۋشىلاردىڭ قۇزىرەتتىلىك دەڭگەيىن ارتتىرۋ ءۇشىن اعىمداعى جاعدايدى تالداۋ جۇرگىزۋ قاجەت ەكەندىگى اتاپ ءوتىلدى.

تاۋەلسىز باعالاۋ ناتيجەلەرى مەديتسينالىق جوعارى وقۋ ورىندارىندا ءبىلىم بەرۋ پروتسەسىن جاقسارتۋعا باعىتتالعان ودان ارعى ستراتەگيالار مەن باعدارلامالاردىڭ ازىرلەمەسى ءۇشىن، سونداي-اق مەديتسينالىق ءبىلىم بەرۋ مەن عىلىمي قىزمەتتى دامىتۋدىڭ باسىم باعىتتارىن ايقىنداۋ ءۇشىن پايدالانىلاتىن بولادى.

«ستۋدەنتتەر مەن رەزيدەنتتەردىڭ ءبىلىمىن تاۋەلسىز باعالاۋ، سونداي-اق پروفەسسور- وقىتۋشىلار قۇرامىن اتتەستاتتاۋ ەڭ الدىمەن مەديتسينالىق ءبىلىم بەرۋ ساپاسىن ارتتىرۋعا جانە وتاندىق دەنساۋلىق ساقتاۋ جۇيەسى ءۇشىن كادرلار دايارلاۋدىڭ جوعارى دەڭگەيىن قامتاماسىز ەتۋگە باعىتتالعان»، - دەلىنگەن مينيسترلىكتىڭ رەسمي مالىمدەمەسىندە.

وقىتۋشىلاردىڭ تاۋەلسىز اتتەستاتسياسى سوڭعى رەت 2017-جىلى وتكىزىلگەنىن اتاپ وتكەن ءجون.

سوڭعى جاڭالىقتار