ۇستەل تەننيسىنەن قازاقستان ەرلەر كومانداسى يراندى قاپى قالدىردى

استانا. KAZINFORM - استانادا ۇستەل تەننيسىنەن ازيا چەمپيوناتى جالعاسىپ جاتىر. تۋرنير اياسىندا قازاقستاننىڭ ەرلەر قۇراماسى 7-8-ورىن الۋ ءۇشىن سايىسقا ءتۇستى، دەپ حابارلايدى Olympic.kz.

ءبىزدىڭ قۇراما يران ەلىنەن كەلگەن سپورتشىلارعا قارسى وينادى.

قازاقستاندىق سپورتشىلار 3:1 ەسەبىمەن جەڭىسكە جەتتى. وسىلايشا وتاندىق كوماندا 7-ورىنعا جايعاستى. بۇل رەتتە قازاقستاندىق سپورتشىلار ءۇش ازيا چەمپيوناتىندا ۇزدىك سەگىزدىككە ەنىپ وتىر.

ايتا كەتەلىك، اتالعان تۋرنيردە ەل نامىسىن كيريلل گەراسيمەنكو، الان قۇرمانگاليەۆ جانە ايدوس كەنجەعۇلوۆ قورعادى.