ستۋدەنتتەر شاكىرتاقىسى كوتەرىلە مە

استانا. KAZINFORM - عىلىم جانە جوعارى ءبىلىم مينيسترلىگى ستۋدەنتتەردىڭ شاكىرتاقىسىن جىل سايىن كوتەرۋ مۇمكىندىگىن پىسىقتايدى. بۇل تۋرالى مينيستر ساياسات نۇربەك ايتتى.

- سوڭعى 5 جىلدا شاكىرتاقىنى جىل سايىن 20-25 پايىزعا كەزەڭ-كەزەڭمەن كوتەردىك. قازىر مىنە 100 پايىزعا ارتىپ وتىر. 2025-جىلى ءبىز بۇل باعدارلامانى اياقتادىق. ەندى ۇكىمەتپەن شاكىرتاقى مولشەرىن جىل سايىن ارتتىرۋ ءۇشىن باعدارلامانى قايتا جاڭعىىرتۋ مۇمكىندىگىن پىسىقتايمىز، - دەدى مينيستر ۇكىمەت وتىرىسىنان كەيىنگى بريفينگتە.

ساياسات نۇربەكتىڭ ايتۋىنشا، دوكتورانتتاردىڭ شاكىرتاقىسى جاقسى كوتەرىلدى. بۇگىندە ولار اي سايىن شامامەن 254 مىڭ تەڭگە شاكىراتقى الادى. ونىڭ مولشەرىن الداعى ۋاقىتتا دا كەزەڭ-كەزەڭمەن كوتەرۋ جوسپارلانعان.

مينيستر قوسىلعان قۇن سالىعىنىڭ ارتۋىنا بايلانىستى جوعارى وقۋ ورىندارىندا ءبىلىم الۋ قۇنىنىڭ وزگەرۋ مۇمكىندىگىنە قاتىستى دا پىكىر ءبىلدىردى. ونىڭ سوزىنە قاراعاندا، مەملەكەتتىك جوعارى وقۋ ورىندارىندا وقۋ قۇنى رەتتەلەدى جانە ينفلياتسيانى ەسكەرە وتىرىپ، 10 پايىزعا دەيىنگى شەكتە تۇزەتۋگە رۇقسات بەرىلەدى.

- سوندىقتان بيىل دا تەجەپ، بارلىق جوعارى وقۋ ورنىمەن كەڭەسەمىز ءارى وقۋ اقىسىنىڭ كۇرت وسۋىنە جول بەرمەيمىز، - دەدى ول.

بۇعان دەيىن ءماجىلىس دەپۋتاتى اگرارلىق ماماندىق ستۋدەنتتەرىنىڭ شاكىرتاقىسىن كوتەرۋدى ۇسىنعان ەدى.