سەرىك جۇمانعارين نيۋ-يورك قور بيرجاسىنا باردى

استانا. KAZINFORM - دۇنيەجۇزىلىك بانك پەن ح ۆ ق-نىڭ جىلسايىنعى سەسسيالارىنا قاتىسۋ شەڭبەرىندە ۆيتسە-پرەمەر - ۇلتتىق ەكونوميكا ءمينيسترى سەرىك جۇمانعارين باستاعان قازاقستاندىق دەلەگاتسيا نيۋ-يورك قور بيرجاسىنا (New York Stock Exchange ،NYSE) باردى. بۇل تۋرالى ۇكىمەتتىڭ باسپا ءسوز قىزمەتى حابارلادى.

بيرجانىڭ قىزمەتى مەن نەگىزگى باعىتى تۋرالى NYSE ستراتەگيالىق وپەراتسيالار جانە كورپوراتيۆتىك قاتىناستار دەپارتامەنتىنىڭ باسشىسى ۋيلل گۋدۆين ايتىپ بەردى.

NYSE وكىلدەرى قازاقستان رەسپۋبليكاسىنىڭ مەملەكەتتىك باعالى قاعازدارىن ورنالاستىرۋ مۇمكىندىگىنە، سونداي-اق مەملەكەتتىڭ قاتىسۋىمەن ءىرى ۇلتتىق كومپانيالاردىڭ بيرجاعا شىعۋ پەرسپەكتيۆاسىنا بايلانىستى بارلىق سۇراقتارعا ەگجەي-تەگجەيلى جاۋاپ بەرىپ، ساۋدا-ساتتىقتى ۇيىمداستىرۋ جانە ەميتەنتتەرمەن ءوزارا ارەكەتتەسۋ سالاسىنداعى تاجىريبەسىمەن ءبولىستى.

ساپار سوڭىندا دەلەگاتسيا ساۋدا زالىنىڭ جۇمىسىمەن جانە بيرجانىڭ جۇمىس ىستەۋ تەتىگىمەن تانىستى.

نيۋ-يورك قور بيرجاسى (NYSE) - الەمدەگى ەڭ ۇلكەن جانە ەڭ كونە ساۋدا الاڭىنىڭ ءبىرى، امەريكاندىق جانە جاھاندىق قور نارىعىنىڭ سيمۆولى. نيۋ-يوركتەگى ۋولل-ستريتتە ورنالاسقان بيرجا ليستينگ راسىمىنەن وتكەن كومپانيالاردىڭ اكسيالارىنىڭ، وبليگاتسيالارىنىڭ جانە باسقا دا قارجى قۇرالدارىنىڭ اينالىمىن جۇزەگە اسىرادى. بۇگىنگى تاڭدا NYSE Intercontinental Exchange (ICE) حولدينگىنىڭ قۇرامىنا كىرەدى. ول ەلەكتروندىق تەحنولوگيا مەن ءداستۇرلى «جاندى» ساۋدا-ساتتىقتى بىرىكتىرەتىن زاماناۋي ساۋدا ەكوجۇيەسى.

ايتا كەتەلىك بيىل ەلىمىزدىڭ ج ءى ءو $310 ميللياردتان اسقان ەدى.