19:10, 13 - ماۋسىم 2024 | GMT +6
سەرىك جۇمانعارين نەلىكتەن شەگىرتكەنى «حالال اس» دەپ ايتقانىن ءتۇسىندىردى
استانا. KAZINFORM - ۆيتسە-پرەمەر سەرىك جۇمانعارين ءوزىنىڭ وسىعان دەيىن ايتقان «شەگىرتكە - حالال اس» دەگەن مالىمدەمەسىنە تۇسىنىك بەردى.
«بىزدە الەۋمەتتىك ءارى ساياسي ءومىر وتە قارقىندى. سوندىقتان كەيدە كوڭىل كوتەرۋ ءۇشىن وسىنداي سوزدەردى ايتىپ قالامىن. ءبىراق شەگىرتكەنى جەۋ كەرەك دەپ ەشقاشان ايتقان ەمەسپىن. اڭگىمە بارىسىندا بۇل حالال ءونىم ەكەنىن عانا ايتتىم. سوندىقتان بۇل باعىتتا قاۋەسەتتى توقتاتىپ، بۇرمالاۋدى دوعارعان ءجون»، - دەدى سەرىك جۇمانعارين سەناتتىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.
بۇل تۇرعىدا ول جاۋاپتى مەملەكەتتىك قىزمەتكەر ەكەنىن جانە ەشقاشان ەل ازاماتتارىنا شەگىرتكە جەۋدى ۇسىنبايتىنىن مالىمدەدى.
ونىڭ ۇستىنە، ەلىمىزدە ازىق-تۇلىك قاۋىپسىزدىگى قامتاماسىز ەتىلگەن.
