سەرىك جۇمانعارين جاڭا سالىق كودەكسىنىڭ باستى كەمشىلىگىن اتادى

استانا. KAZINFORM - پرەمەر- ءمينيستردىڭ ورىنباسارى - ۇلتتىق ەكونوميكا ءمينيسترى سەرىك جۇمانعارين سالىق كودەكسى قابىلدانعاننان كەيىن ءبىرىنشى كەزەكتە قانداي تۇزەتۋلەر ەنگىزىلۋى مۇمكىن ەكەنىن ايتتى.

سەناتتىڭ جالپى وتىرىسىنان كەيىن جۋرناليست سالىق كودەكسى قابىلدانعاننان كەيىن قانشالىقتى تۇراقتى جۇمىس ىستەيتىنىن سۇرادى.

- ءبىز سالىق كودەكسىنە ۇنەمى وزگەرىستەر ەنگىزىپ كەلەمىز. بۇل قالىپتى تاجىريبە، - دەدى ۆيتسە- پرەمەر.

ول بۇگىن سەنات ماجىلىسكە كەرى قايتارعان كودەكستىڭ نەگىزگى كەمشىلىگىن اتادى.

- ءبىز بۇل سالىق كودەكسىنە سالىقتى اكىمشىلەندىرۋ باعىتىندا ءبىرقاتار جۇيەلىك تۇزەتۋلەردى ەنگىزە المادىق، تۇسىنەسىز بە؟ سوندىقتان سيفرلاندىرۋ بويىنشا دا تۇزەتۋلەر ەنگىزىپ قالۋىمىز مۇمكىن. ءبىرىنشى كەزەكتە سالىقتى اكىمشىلەندىرۋ بويىنشا تۇزەتۋلەر ەنگىزۋىمىز مۇمكىن. ناقتى ءبىر جاڭا سالىق ءتۇرىن ەنگىزۋىمىز ەكىتالاي. ويتكەنى جاڭا كودەكس بويىنشا سالىق قالاي تولەنەتىنىن سىنايتىن كەزەڭ كەرەك، - دەدى سەرىك جۇمانعارين.

ايتا كەتەيىك، بۇگىن سەنات جاڭا سالىق كودەكسىن ماجىلىسكە قايتاردى.