سۋپەرماركەت پە، بازار ما؟ قازاقستانداعى ساۋدادا كىم نەگە ءمان بەرەدى

استانا. KAZINFORM - قازاقستاندا ساۋدا سالاسىندا 1,5 ميلليون ادام جۇمىسپەن قامتىلعان، بۇل ەلدەگى جۇمىس كۇشىنىڭ %17- ىنا تەڭ. بۇل تۋرالى قوعامدىق ساياسات ينستيتۋتى جۇرگىزگەن الەۋمەتتىك ساۋالناما ناتيجەسىندە ايتىلعان.

قالالىق تۇرعىندار سۋپەرماركەتتەر مەن ساۋدا ورتالىقتارىن ارتىق سانايدى؛
اۋىلدىق جەردەگى حالىق پەن ەگدە جاستاعىلار بازارلار مەن ءداستۇرلى ساۋدا ورىندارىن ءجيى تاڭدايدى؛
تۇرمىستىق تاۋارلاردىڭ %36,9- ى، ازىق- تۇلىكتىڭ %33,3- ى سۋپەرماركەتتەردەن الىنادى؛

كيىمنىڭ %43,1- ى بازارلاردان ساتىپ الىنادى.

- ونلاين-ساۋدانىڭ ۇلەسى ارتىپ كەلەدى. كيىم مەن تۇرمىستىق زاتتاردى ينتەرنەتتەن ساتىپ الۋ جاستار مەن ايەلدەر اراسىندا كەڭ تارالعان. ەلەكتروندىق ساۋدا نارىعى 2022 -جىلدان بەرى %60- عا ءوسىپ، 2024 -جىلى 3,2 تريلليون تەڭگەگە جەتتى. ونىڭ بولشەك ساۋداداعى ۇلەسى %14,1- دى قۇرادى، - دەلىنگەن اقپاراتتا.

سالادا ايەلدەردىڭ ۇلەسى باسىم، ساۋدا قىزمەتكەرلەرىنىڭ ۇشتەن ەكىسى ايەلدەر. سونىمەن قاتار، ەرلەر ۇلەسى دە 2021 -جىلعى %30- دان 2024 -جىلى %33- عا ارتقان.

كوتەرمە ساۋدا اينالىمى سوڭعى التى جىلدا 27 تريلليون تەڭگەدەن 47,2 تريلليون تەڭگەگە دەيىن ءوسىپ، %74,8 ءوسىم كورسەتكەن.

ال بولشەك ساۋدا كولەمى 2019 -جىلعى 11,3 تريلليون تەڭگەدەن 2024 -جىلى 23,6 تريلليون تەڭگەگە جەتىپ، ەكى ەسەدەن استام ارتقان.

ايتا كەتەيىك، التى ايدا قازاقستاندا 54 ساۋدا ءۇيى پايدالانۋعا بەرىلدى.