08:40, 27 - قىركۇيەك 2023 | GMT +5
سەردار بەردىمۇحامەدوۆ تۇرىكمەنستان قاھارمانى اتاعىنا يە بولدى
تۇرىكمەنستان پرەزيدەنتى سەردار بەردىمۇحامەدوۆ تۇرىكمەنستان قاھارمانى اتاعىن يەلەنەدى. قازاقپارات بۇل تۋرالى تۋركمەنيستان سەگودنيا اگەنتتىگىنە سىلتەمە جاساپ حابارلايدى.

«قۇجاتقا سايكەس، تۇرىكمەن باسشىسىنا ماراپات ۇلتتىق تاۋەلسىزدىك پرينتسيپتەرىن جانە تۇرىكمەنستاننىڭ بەيتاراپتىعىن نىعايتۋعا قوسقان ۇلەسى، مەملەكەت پەن قوعام الدىنداعى ايتۋلى ەڭبەگى، يننوۆاتسيالىق باستامالارى ءۇشىن بەرىلدى»، - دەدى مەجليس جەتەكشىسى دۋنياگوزەل گۋلمانوۆا.
سەردار بەردىمۇحامەدوۆ ەلدىڭ ۇلتتىق كەڭەسى وتىرىسىندا ماراپاتتالدى.
بۇل اتاق مەملەكەت پەن تۇرىكمەنستان حالقىنا ايرىقشا ەڭبەگى سىڭگەن ازاماتتارعا بەرىلەدى.