سەربيا باسشىسى بيىل استاناعا كەلەدى
استانا. KAZINFORM - مەملەكەت باسشىسى سەربيا پرەزيدەنتى الەكساندر ۆۋچيچپەن كەلىسسوز جۇرگىزدى، دەپ حابارلايدى اقوردانىڭ باسپا ءسوز قىزمەتى.
قازاقستان پرەزيدەنتى قاسىم-جومارت توقايەۆ بىلتىر قاراشا ايىندا بەلگرادقا جاساعان رەسمي ساپارىن ىقىلاسپەن ەسكە الىپ، ونىڭ ەكى ەل دوستىعىن نىعايتۋداعى جانە سان قىرلى ىنتىماقتاستىقتى دامىتۋداعى ماڭىزىنا توقتالدى.
ساپار اياسىندا ساۋدا جانە ينۆەستيتسيا، ونەركاسىپ، ەنەرگەتيكا، قۇرىلىس، اۋىل شارۋاشىلىعى، كولىك، سيفرلاندىرۋ، جاساندى ينتەللەكت، سونداي-اق اسكەري قورعانىس ونەركاسىبى سالالارىنا قاتىستى كەلىسىمدەرگە قول قويىلعان بولاتىن.
الەكساندر ۆۋچيچ سەربيانىڭ قازاقستانمەن ستراتەگيالىق سەرىكتەستىك اياسىن ودان ءارى كەڭەيتۋگە مۇددەلى ەكەنىن مالىمدەدى.
مەملەكەتتەر باسشىلارى بۇعان دەيىن قول جەتكىزىلگەن ۋاعدالاستىقتاردى جۇزەگە اسىرۋعا قوس تاراپ تا بەيىل ەكەنىن راستاپ، ەكىجاقتى جانە كوپجاقتى كۇن تارتىبىندەگى ماسەلەلەردى سەربيا پرەزيدەنتىنىڭ بيىل استاناعا جوسپارلانعان ساپارى كەزىندە تالقىلاۋعا كەلىستى.
